اسلام آباد۔ 20جولائی (اے پی پی) وزیر مملکت دیر و بجلی عابد شیر علی پارینے کہ ننا سروک 50سال انا احتساب تس و داسہ عمران خان ورندی خواہنگے۔ سپریم کورٹ نا پیشن میڈیا تون ہیت وگپ کرسا عابد شیر علی نا پاننگ اس کہ عمران خان آن داسوج ئِ ہریفنگ کن بسونٹ کہ او ہراحیثیت اٹ حسن نواز، حسین نوازو مریم نواز آن اوفتاکاروبار نا سوج ئِ کیک۔ اوپارے کہ نواز شریف پاکستان اٹی شونداری نا بنداو ئِ تخا وخت اس کہ عمران خان نا باوہ پاکستان اٹی کرپشن نا بنداو ئِ تخا ہرادے ذوالفقارعلی خان بھٹو کرپشن نا دوبہ ٹی کشاسس۔ اوپارے کہ عمران خان نا باوہ بنی گالہ آن ہلیس کرزمان پارک انا پراپرٹی پاکستان نا نیزگار الس نا پیسہ غاتیان دُزی کرسا جوڑ کرے۔ عمران خان دُزی نا پیسہ غاتیٹی لندن آ خواننگ کن ہناسس۔
