اسلام آباد۔7مارچ (اے پی پی): بنجاھی کانود ءِ وزیر اعظم نظیر تارڑ ءَ گوشت کہ بنجاھی حکومت توامیں صوبہ آنی وکالت آنی وشھالی، دیمروئی ءُ گامگیج ءِ واستہ وتی کوشست آناں برجاہ دار ایت۔ وزارت ءِ کانود ءُ انصاف ءِ جارکش ءِ رد ءَ اے موہ ءِ سر ءَ ڈل ءِ سروکی ءَ وائس چیئرمین خیبر پختونخوا بار کونسل احمد فاروق خٹک ، باسک پاکستان بار کونسل امجد شاہ ءُ جتا جتائیں بار آنی سینئر ایڈووکیٹ کفایت اللہ ھم ھوار بوتگ اَنت۔ بنجاھی کانود ءِ وزیر اعظم نظیر تارڑ ءَ جار جتگ کہ بنجاھی حکومت خیبر پختونخوا بار کونسل ءَ وکیل آنی کمپیوٹرائزڈ رجسٹریشن ءِ واستہ سرجمیں تکنیکی ءُ مالی کمک ءَ کنت۔ وکیلانی رجسٹریشن نادر ءِ وسیلگ ءَ کنگ بیت ایشی ءِ سر ءَ زوتاں چہ زوت کار بندات کنگ بیت۔ وکیل آنی کمپیوٹر رجسٹریشن خیبر پختونخوا بار ایسوسی ایشن ءِ دیریں لوٹ بوتگ ءُ وھد ءِ لوٹ اِنت۔ اے موہ ءَ بنجاھ ءَ سرجمیں رنگ ءَ کمک ءِ دل یکیمی دات۔ اے موہ ءِ سر ءَ وزیر ءِ کانود ءَ جتا جتائیں بار آنی نمائندگ آناں مالی کمک ءِ رنگ ءَ گرانٹ ان ایڈ چیک ھم جاری کتگ۔ وزیر ءِ کانود ءَ گوشت کہ بنجاھی حکومت توامیں صوبہ آنی بار آنی دیمروئی ءُ پیشرفت ءِ واستہ وتی کوشست آناں برجاہ دار ایت۔
