اسلام آباد۔7مارچ (اے پی پی): مزن وزیر محمد شہباز شریف ءَ چین ءِ صدر شی جن پنگ، مزن وزیر لی کی کیانگ ءُ چین ءِ الس ءَ را بیجنگ ءَ دوئیں سروکیں دیوانانی برجم دارگ ءِ پد ءَ مبارک بات داتگ۔ جمعہ ءِ روچ ءَ سوشل نیٹ ورکنگ سائٹ ایکس ءِ سر ءَ وتی ٹویٹ ءِ تہ ءَ مزن وزیر ءَ گوشت کہ چین وتی راجی دیمروئی ءِ مول ءُ مراد آنی سرجمی ءِ نیمگ ءَ مزنیں پیشرفت کنگ ءَ اِنت ما صدر شی جن پنگ ءِ وژنری سروکی ءَ چین ءِ جدید کنگ ءَ چہ ھاسیں رنگ ءَ متاثر ایں ۔ آئی ءَ گوشت کہ توامیں جاور ھال آنی تہ ءَ آہنی برات ءُ اسٹریٹجک کمک ءِ شریک ءِ بستار ءَ پاکستان ءُ چین امن ءُ دیمروئی ءِ یکجائی مول ءُ مراد آنی چیر دستی ءَ کمک ءَ را گیش مھکم کنگ ءِ واستہ یکجائی ءَ کار کنگ ءَ برجاہ دار اَنت۔
