اسلام آباد۔ 07 مارچ (اے پی پی) ملکی برآمد آتیا مال برداری نا خڑچ آتیٹی برجامالی سال اٹی نمان ودکی ریکارڈ کننگانے۔ اسٹیٹ بینک انا کنڈآن دا بابت جاری حساب وکتاب نا رداٹ مالی سال انا اولیکو 7تُو اٹی ملکی برآمد آتیا مال برداری نا خڑچ آتا کچ 648.42ملین ڈالر ریکارڈ کننگا ہرا تدوک آ مالی سال انا ہندا مد انا مقابلہ ٹی 89.46 درسد زیات ءِ، تدوک آ مالی سال انا ہندا مد اٹی ملکی برآمد آتیا مال برداری و انشورنس نا خڑچ آتا کچ 342.23ملین ڈالرریکارڈ کننگاسس۔ جنوری ٹی برآمد آتیا مال برداری نا خڑچ آتا کچ 100.76ملین ڈالر ریکارڈ کننگا ہرادسمبراٹی ہم 100.76 ملین ڈالر و تدوک آ سال جنوری ٹی 61.53 ملین ڈالر ئسر، مالی سال 2024اٹی برآمد آتیا مال برداری نا خڑچ آتا کچ 656.48ملین ڈالر ریکارڈ کننگاسس۔
