اسلام آباد۔ 07 مارچ (اے پی پی) ڈائریکٹوریٹ آف نیشنل سیونگز(سی ڈی این ایس) برجامالی سال نا اولیکو 8 تُو اٹی پوسکن آ بانڈز انا جاری کننگ آن 980 ارب روپئی نا بچت دوئی کرینے۔ سی ڈی این ایس نا اسہ کارندہ اس اے پی پی ءِ پارے کہ یکم جولائی آن شش مارچ اسکان نا مد اٹی سی ڈی این ایس پوسکن آ بانڈآتا جاری کننگ آن 980 ارب روپئی نا بچت دوئی کرے ہرا برجامالی سال اکن مقررہ ہدف نا 59.39درسد ءِ۔ اوپارے کہ ادارہ برجامالی سال اکن 1650ارب روپئی نا بچت آتا ہدف مقرر کرینے ہراڑآن ملک اٹی بچت نا عادت ءِ مون آ دننگ اٹ کمک رسینگک۔ اوپارے کہ تدوک آمالی سال اٹی سی ڈی این ایس 1.742ٹریلین روپئی نا بچت آتا ہدف عبور کریسس، اسہ سوج اسے آ اوپارے کہ برجامالی سال اکن سی ڈی این ایس اسلامی مالیات نا رداٹ 170 ارب روپئی نا بچت آتا ہدف مقرر کرینے ہرانا بنداوی مسخت ملک اٹی اسلامی مالیات ءِ مون آدننگ ءِ۔ اوپارے کہ ادارہ ٹی ادارہ جاتی اصلاحات آ عملدرآمد برجاءِ، صارف آتیکن اے ٹی ایم ناآسراتی ءِ فراوان کننگانے۔
