اسلام آباد۔ 07 مارچ (اے پی پی) وزیر مملکت بیرسٹر عقیل ملک پارینے کہ پی ٹی آئی نا کارندہ نا ساڑی آ بیان نئے بیرہ قابل مذمت ءِ بلکن داملک دشمن زموار آتا مخ تفی نا پیدوار نشانی ہم ارے، اونا بیان آن پاش مریک کہ پی ٹی آئی نا جھکاؤ کالعدم تنظیم تا کنڈآٹی ءِ۔ جمعہ نادے آ ایکس آ تینا پوسٹ ٹی بیرسٹر عقیل ملک پارے کہ دا بیان پاکستان نا سلامتی و سوگوی کن اسہ بھلو خطرہ اسے، ملک دشمن زموار آتا مخ تفی ءِ کننگ قومی سلامتی آ جلہو ءِ، ہرادے ہچ ءُ حالیت اسے ٹی سگنگ مفک، ریاست ءِ داوڑنا بیان و اوفتا پس پڑدہ عزم انا سختی اٹ نوٹس ءِ ہلنگے تانکہ پاکستان نا امن وسوگوی ءِ پک کننگ مرے۔
