حکومت ٹیکسٹائل ءِ صنعت ءِ جیڈھ آنی گیواری ءِ واستہ جزم انت ٹیکس، توانائی ءُ مالیاتی جیڈھ آنی ھوالگ ءَ ھاسیں جیڈھ آناں گیواری ءِ واستہ گامگیج کنگ بوھگ ءَ انت، آپٹما ءِ ڈل ءَ گوں گند ءُ نند ءَ تران

اسلام آباد- 6مارچ (اے پی پی): وفاقی وزیر خزانہ ءُ مالیات ءِ سینیٹر محمد اورنگزیب ءَ ٹیکسٹائل ءِ صنعت ءِ جیڈھ آناں گیواری ءِ حکومت ءِ عزم ءِ یک رندے پدا گوشت کہ ٹیکس، توانائی ءُ مالیاتی جیڈھ آناں گیواری ءِ واستہ یک سلسلہ ءِ گامگیج زورگ بوھگ ءَ انت تانکہ اے گپ ءَ را دل یکیمی کنگ بہ بیت۔ آل پاکستان ٹیکسٹائل ملز ایسوسی ایشن ءِ چیئرمین کامران ارشد ءَ ڈل ءِ سروکی ءَ کنگ ءَ ات۔ دیوان ءَ چیئرمین فیڈرل بورڈ آف ریونیو، سیکرٹری وزارت تجارت، ءُُ وزارت خزانہ ءُُ ایف بی آر ءِ ایندگر مزنیں کارندہ آنی نیمگ ءَ ھم بھر زوری بوت۔ وزیر ءِ ھزانگ ءَ گوشت کہ ٹیکسٹائل ءِ صنعت ملک ءِ معیشت ءِ ریڑھ ءِ ھڈ اِنت حکومت معیشت ءِ تہ ءَ ٹیکسٹائل ءِ صنعت ءِ کلیدی کرد ءَ را من ایت ءُُ اے شوبگ ءِ توامیں جیڈھ آناں سنجیدگی ءَ گوں گیوار کنگ ءِ واستہ جزم اِنت۔ آئی ءَ گوشت کہ صنعتی دیمروئی ءِ واستہ سازگاریں چاگرد ءِ پھجارینگ، معیشت ءَ را مھکم کنگ ءُ ملک ءَ را دیمروئی ءِ واستہ چیلنج آنی سر ءَ چہ دیم ءَ آیگ المی اِنت، ایشی ءِ واستہ حکومت زبردستیں گامگیج زورگ ءَ اِنت، ڈل ءَ توانائی، ٹیکس ءُ مالیاتی ءِ ھوالگ ءَ بازیں ھاسیں جیڈھ آنی سر ءَ تفصیلی پیشکش کت۔ آئی ءَ ٹیکسٹائل ءِ صنعت ءِ دراجیں مدتی استحکام ءُُ دیمروئی ءِ واستہ حکومت ءَ را جتا جتائیں سوج ھم داتگ اَنت ایشی ءِ تہ ءَ کاروباری ھرچ ءُ درچ ءَ را کم کنگ، توانائی ءِ معقولیں نرخ آنی پھجارینگ ءُُ مالی کمک ءِ آسراتی ءِ پھجارینگ ھوار اِنت۔ وزیر خزانہ ءَ ڈل ءِ رہشون آناں دل یکیمی دات کہ حکومت آہانی سفارشات ءِ سر ءَ تفصیل ءَ گوں چار ءُ تپاسی کنت ءُ کار ءِ لائکیں تجویز آناں وفاقی بجٹ ءِ تہ ءَ ھوار کنگ بیت آئی ءَ گوشت کہ حکومت صنعت آنی گوما مشاورت ءِ عمل ءَ را ارزشت دنت ءُ اگاں استیں پالیسی ءِ فریم ورک ءَ ھچ وڑیں کوتاہی است انت گڈا آھاں گیش ءُُ گیوار کنگ بیت۔ باقی واجبات ءِ ادا کنگ ءَ ۔ وزیر ءِ ھزانگ ءَ گوشت کہ حکومت صنعتی شوبگ ءِ جیڈھ آناں اولی ترجی دیگ ءَ اِنت ءُُ بجٹ ءِ تہ ءَ توامیں سیادی داروک آنی ھیال آناں ھوار کنگ ءَ چہ آھانی جیڈھ آناں جوانیں رنگ ءَ گیش ءُُ گیوار کنگ بیت۔ آئی ءَ گیش گوشت کہ حکومت نجی شعبہ ءُ صنعت ءِ نمائندگ آنی گوما نزیکی ءَ گوں شور ءُ سلاھ ءَ برجاہ دار ایت تانکہ معیشت ءَ را دیمروئی ءِ راہ ءَ ایر کنگ ءُ صنعتی دیمروئی ءِ دیم ءَ رکاوٹ آناں جوانیں رنگ ءَ دور کنگ بہ بیت۔