مزن وزیر شہباز شریف ءِ سروکی ءَ سمیڈا ءِ سٹیئرنگ کمیٹی ءِ دیوان ءَ سمیڈا ءَ نوکیں بلدکاریں مردم آنی لس طاقت ءِ بھرتی کنگ ءُ بے سود ءِ وام پروگرام ءَ چہ دیہی آبادی ءَ را سیت رسگ ءِ واستہ کارروائی ءِ منصوبگ جوڑ کنگ ءِ پنت ءُ شون کنگ بوتگ

اسلام آباد – 6مارچ(اے پی پی): مزن وزیر محمد شہباز شریف ءَ اسمیڈا ءَ نوکیں ہنرمندیں مردمی قوت ءِ بھرتی ءُُ سود ءِ چہ پاکیں وام پروگرام ءَ چہ میتگ ءِ آبادی ءَ را فائدہ مند کنگ ءِ منصوبگ تیار کنگ ءِ ہدایت کتگ ءُُ گوشت کہ حکومت کسان ءُُ میان استمانی کاروباری ادارگ آنی دیمروئی ءِ ھوالگ ءَ اولویت ءِ بنیاد ءَ کار کنگ ءَ اِنت۔ پنچ شمبے ءِ روچ ءَ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ کسانیں ءُُ میاں اوستمانی کاروباری ادارگ ءِ دیمروئی اتھارٹی ءِ سٹیئرنگ کمیٹی ءِ دیوان برجم دارگ بوت۔ بیان ءِ رد ءَ مزن وزیر ءَ دیوان ءِ بھر زوروکاں گوں تران کنان ءَ گوشت کہ حکومت کسان ءُُ درنیامی کاروبار آناں دیمروئی دیگ ءِ واستہ ترجیحی بنیات ءِ سر ءَ کار کنگ ءَ اِنت۔ مزن وزیر ءَ ہدایت کت کہ سومیدا ءَ مارکیٹ ءَ چہ نوکیں ہنرمندیں افرادی قوت بھرتی کنگ بہ بیت۔ آئی ءَ گوشت کہ یک شفافیں کارروائی ءِ زورگ ءَ چہ ایس ایم ای ڈی اے ءَ یک انٹرنیشنل اسٹینڈرڈ ورک فورس ءِ بھرتی کنگ بہ بیت کہ آئی ءِ پگار مارکیٹ ءِ شرح ءِ رد ءَ بہ بیت ایس ایم ای ءِ شوبگ ءِ واستہ لیبر ءِ پیشہ وارانہ تربیت سک باز المی اِنت۔ مزن وزیر ئَ گوشت کہ مئے دیہی معیشت ئِ دیمروئی ءِ تہ ءَ سمیڈا ءِ ھاسیں کرد اِنت یک منصوبگ ءِ جوڑ کنگ بہ بیت تانکہ سمیڈا ئِ بے سود ءِ وام پروگرام ءَ چہ سرجمیں دیہی آبادی ءَ ھوار دیہی آبادی ئَ را سیت بہ رسیت۔ مزن وزیر ءَ وفاقی تک ءَ توامیں پیشہ وارانہ تربیت ءِ ادارگ آناں یک ادارگ ءِ تہ ءَ یکجا کنگ ءِ ھم ہدایت کت دیوان ءَ ایس ایم ای ڈی اے ءَ جاری اصلاحات آنی ھوالگ ءَ سرپد کنگ بوت۔ گند ءُُ نند ءَ گوشگ بوت کہ مزن وزیر ءِ ہدایت ءِ سرا مائیکرو انٹرپرائزز ءَ را ایس ایم ای سیکٹر ءِ بہر جوڑ کنگ بوتگ ءُُ اے درگت ءَ یک ٹوھیں پالیشی یے جوڑ کنگ بوھگ ءَ انت۔ مزن وزیر ءِ ہدایت ءِ سرا ایس ایم ای ڈی اے بورڈ ءِ تہا نجی شعبہ ءِ نمائندگی ءَ را گیش کنگ بوہگ ءَ انت ایس ایم ای ڈی اے ءِ تہا کارکناں مہارت ءِ تربیت ءُُ نوکیں ٹیکنالوجی ءَ چہ لیس کنگ ءِ حکمت عملی جوڑ کنگ بوہگ ءَ انت۔ دیوان ءَ گوشگ بوت کہ اسمیڈا ءِ پورٹ فولیو ءَ را گیش موثر ءُُ پراھ ءُ شاھگان جوڑ کنگ ءِ واستہ کارروائی منصوبگ جوڑ کنگ بوھگ ءَ انت۔ گند ءُُ نند ءَ گیش گوشگ بوت کہ مزن وزیر ءِ ہدایت ءِ رد ءَ وزارت تجارت ءُُ اسمیڈا یکجائی ءَ برآمدات ءِ ھوالگ ءَ سیادی داروکیں کمپنی آنی پجار کنگ ءِ واستہ کار کنگ ءَ انت۔ اسمیڈا ءِ تہا یک مھکمیں کارکردگی ءِ انتظامی فریم ورک ءِ جوڑ کنگ بیت۔ گند ءُ نند ءَ گوشگ بوت کہ مزن وزیر ءِ ہدایت ءِ رد ءَ ایس ایم ای سیکٹر ءِ ھوالگ ءَ 28 سیمینار ءُ تربیتی پروگرام ءِ برجم داشتگ ات، ایشی ءِ تہ ءَ 953 مردماں بھر زرتگ ات۔ ایس ایم ای شعبہ ءِ واستہ مالیاتی خواندگی پروگرام بندات کنگ بوھگ ءَ انت، ایشی ءِ واستہ ماہرین ءِ بھرتی سرجم کنگ بوتگ، ایس ایم ای شعبہ ءِ برآمدات ءَ را گیش کنگ ءِ واستہ برآمدات ءِ کمک پروگرام بندات کنگ بوھگ ءَ انت، ایس ایم ای شعبہ ءِ سب کنٹریکٹنگ ءِ واستہ قانونی فریم ورک تیار کنگ بیت، ایشی ءِ واستہ ماہرین ءِ بھرتی ءِ عمل ءِ بندات کنگ بوتگ۔ mic امور احد خان چیما، صنعت ءُ پیداوار ءِ وفاقی وزیر رانا تنویر حسین، مزن وزیر ءِ ھاسیں کمکار ہارون اختر، چیئرمین پی ایم یوتھ پروگرام رانا مشہود احمد خان ءُ سیادی داروکیں مزنیں سرکاری افسر آنی وسیلگ ءَ ویڈیو ءِ تہ ءَ بھر زوری کتگ، وھدیکہ راجی اسمبلی ءِ باسک شاجتک سیدہ افتہاسین ءِ وسیلگ ءَ گند ءُ نند کتگ۔