اسلام آباد۔6مارچ (اے پی پی): درئی کارانی کارگس ءِ جارکش شفقت علی خان ءَ گوشت کہ نائب مزن وزیر ءُ دری کارانی وزیر محمد اسحاق ڈار اسلامی کمک ءِ گل ءِ دری کارانی کونسل ءِ غیر معمولی دیوان ءَ بھر زوری کنت کہ جیڈہ ءَ برجم دارگ بیت۔ پنچ شمبے ءِ روچ ءَ پریس بریفنگ ءَ گوں گشتانک دیان ءَ آئی ءَ گوشت کہ نائب مزن وزیر ءُ دری …
اسحاق ڈار جدہ ءَ او آئی سی ءِ دری کارانی کونسل ءِ لس دیوان ءَ بہر زوریت، دری کارانی کارگس ءِ جارکش ءِ پریس بریفنگ
گیشتریں ھال
اسلام آباد۔6مارچ (اے پی پی): درئی کارانی کارگس ءِ جارکش شفقت علی خان ءَ گوشت کہ نائب مزن وزیر ءُ دری کارانی وزیر محمد اسحاق ڈار اسلامی کمک ءِ گل ءِ دری کارانی کونسل ءِ غیر معمولی دیوان ءَ بھر زوری کنت کہ جیڈہ ءَ برجم دارگ بیت۔ پنچ شمبے ءِ روچ ءَ پریس بریفنگ ءَ گوں گشتانک دیان ءَ آئی ءَ گوشت کہ نائب مزن وزیر ءُ دری کارانی وزیر فلسطین ءِ واستہ پاکستان ءِ مھکمیں کمک ءِ یک رندے پدا جنت ءُ گند ءُ نند ءَ وتی اصولی موقف ءِ سر ءَ زور پر دنت۔ آئی ءَ گوشت کہ آ اسرائیل ءِ سرجمیں مقبوضہ دمگاں چہ بیت المقدس ءِ نیمگ ءَ سرجمیں رنگ ءَ درکپگ ءِ ھکل ءَ کنت ءُ فلسطینی آناں گیش بے لوگ کنگ ءِ نا منّگ بوتگیں تجویز ءِ مذمت کنت۔ ترجمان ءَ گوشت کہ نائب مزن وزیر جناب محمد اسحاق ڈار فلسطینی آناں وتی وطن ءَ واتر بوھگ ءِ ناقابل ردیں حق ءِ بحالی ءُ یک زندگ داروکیں، نزیک ءُ وت واجہیں فلسطینی ریاست ءِ جوڑ کنگ ءِ ھم لوٹ کنت کہ ایشی ءِ بنیات ءَ جون 1967 ءَ چہ پیسر ءِ دارالحکومت الحرید ءِ سیمسر آنی رد ءَ جوڑ کنگ بہ بیت۔
