مزن وزیر ءِ سروکی ءَ دیوان ءَ مارکیٹ ءُ صنعت آنی تہ ءَ مہارت ءُ لوٹ ءِ رد ءَ ورنا آنی واستہ تربیتی پروگرام آنی منصوبگ ءِ منظوری دات

اسلام آباد۔6مارچ  (اے پی پی): مزن وزیر محمد شہباز شریف ءَ ہنر ءُ لوٹ ءِ رد ءَ مارکیٹ ءُ صنعت آنی تہ ءَ ورنا آنی واستہ تربیتی پروگرام آنی منصوبگ ءِ منظوری داتگ مزن وزیر منصوبگ ءِ سر ءَ عمل درآمد ءِ سر ءَ ذاتی نگرانی ءَ کنت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ راجی ورنا آنی روزگار منصوبگ ءِ ھوالگ ءَ چار ءُ تپاسی دیوان ءِ برجم دارگ بوتگ دیوان ءَ بنجاھی وزرا احد خان چیمہ، شزہ فاطمہ خواجہ، چیئرمین وزیرِ اعظم یوتھ پروگرام رانا مشہود احمد خان، چیئرمین ہائر ایجوکیشن کمیشن ڈاکٹر مختار احمد  ءُ ہمگرنچیں مزنیں کارندہ آں چہ دیم ءَ اتکگ۔ مزن وزیر ءَ ورنا آناں پنت ءُ شون کت کہ آ جتا جتائیں پڑ آنی تہ ءَ  ھیل کاری  ءِ واستہ بنجاہی صنعت آنی گوما برجمیں رابطہ برجائی بہ کن اَنت ءُ میاں اوستمانی ادارگ آنی نیمگ ءَ چہ مردمی قوت ءِ لوٹ ءَ را دل ءَ بہ دار اَنت ءُ ماہانہ جائزہ ءِ دیوان ءِ سروکی ءَ ذاتی رنگ ءَ کنگ ءِ پیسلہ کتگ۔ مزن وزیر ءَ بنجاہی صنعت آنی تہ ءَ لوٹوکیں ہنر آنی یک سرجمیں ڈیٹا بیس ءِ جوڑ کنگ ءِ ھم پنت ءُ شون کتگ۔ مزن وزیر ءَ گوشت کہ پاکستان ءِ باصلاحیتیں ورنا ملک ءِ ارزشتی ایں سرمایہ اَنت، ورنا آناں پیشہ وارانہ تربیت ءُ المی ئیں ھنر پجاری ءَ چہ توانمند کنگ ءُ روزگار ءَ دئیگ ءَ اَنت۔ پاکستانی وتی ورنا آناں میاں اوستمانی تک ءِ تربیت ءِ وسیلگ ءَ مردمی قوت ءِ برآمد ءَ را دیمروئی دیگ ءِ واستہ گامگیج زورگ ءَ انت۔ گند ءُ نند ءَ مزن وزیر ءَ را آیوکیں چار سال آنی تہ ءَ جتاجتائیں ادارگ آنی وسیلگ ءَ تربیتی ءُ روزگار ءِ موہ پجاری ءِ منصوبگ ءِ بابت ءَ سرپد کت۔ دیوان ءَ سرپد کنگ بوت کہ آیوکیں چار سال آنی تہ ءَ ورنا آناں سالانہ 2.4ملین ءَ چہ 6ملین ءِ نیام ءَ کمک دیگ بیت تانکہ آھاں پیشہ وارانہ تربیت ءُ مہارت آنی دیمروئی ءِ وسیلگ ءَ روزگار ءِ موہ رسگ ءَ کمک بہ کنت۔ گند ءُ نند ءَ گوشگ بوت کہ ورنا آناں ہنر ءُ پیشہ وارانہ تربیت پجاری ءِ واستہ مارکیٹ، صنعت ءُ میاں اوستمانی تک ءَ مردمی قوت ءِ لوٹ ءِ سرا ھیال داری کنگ بوھگ ءَ انت۔ مزن وزیر ءَ را گند ءُ نند ءِ تہ ءَ گوشگ بوت کہ ڈیجیٹل یوتھ حب گڈی بھر آنی تہ ءَ انت ایشی ءِ بندات ھمے ماہ ءَ کنگ بیت۔ مزن وزیر ءَ اے ھوالگ ءَ سیادی داروکیں وزارت ءُ ادارگ آنی کوشست آناں ساڑات۔