کراچی – 06 مارچ (اے پی پی) : پاکستان ءِ نامداریں سرجن ءُ ایس آئی یو ٹی کراچی ءِ یورولوجی ءِ شعبہ ءِ سروک ءَ طبی پٹ ءُ پول ءُ طبی کانفرنس آنی تہ ءَ نادراہ آنی بھر زوری ءِ تجویز داتگ ءُ گوشت کہ پاکستان ءَ سرجمیں روچ ءَ برجم داشتگیں طبی کانفرنس آنی تہ ءَ بھر زوری کنگ المی اِنت۔ اے پی پی ءَ گوں تران کنان ءَ ڈاکٹر مرلی دھر ءَ گوشت کہ اولی رند ءَ معذوری ءِ ھک ءِ کارکناں طبی کانفرنس آنی تہ ءَ نادراہ آنی بھر زوری ءِ بابت ءَ گپ جتگ وھدیکہ نادراہ آنی گل آنی نیمگ ءَ ھم جان سلامتی ءِ جیڈھ آنی تہ ءَ نادراہ آنی گیشیں بھر زوری ءِ ضلورت ءِ سر ءَ زور پر داتگ۔ ڈاکٹر مرلی دھر ءَ گوشت کہ نادراہ آنی رکھینگ ءُ سستی نگہداشت ءِ ایکٹ ءِ رد ءَ امریکہ ءَ نادراہ آنی واستہ جوڑ بوتگیں کانود ءِ رد ءَ نادراہ آناں پٹ ءُ پول ءِ تہ ءَ ہوار کنگ بیت۔ 1992 ءِ ہشتمی میان استمانی ایڈز کانفرنس اولی کانفرنس ات۔ کہ ایشی ءِ تہا نادراہاں بہر زرتگ ءُ 2002 ءَ چہ نادراہاں OMERACT ءِ تہا باقاعدہ بہر زورگ بندات کتگ، 10 درسد رومیٹولوجی کانفرنس ءُ بہر زوروک نادراہ بوتگ انت۔ مطالعہ ءِ تہا نادراہانی ہوار کنگ ءَ جوانیں آسراتی رستگ انت کہ نادراہانی گہتری ءِ تہا گندگ بوتگ انت۔ آئی ءَ گوشت کہ 2011 ءَ سٹینفورڈ یونو ٹرسٹ اسکالرشپ پروگرام ءِ چیر دستی ءَ میڈیسن 2.0 کانفرنس ءَ 35 ءَ چہ گیش نادراہ آناں بھر زرتگ۔ ڈاکٹر مرلی دھر ءَ گیش کرتگ کہ سوشل میڈیا ءِ کارمردی گیش بوھگ ءَ اِنت۔ ایشی ءِ وسیلگ ءَ زانتکاری ءَ را آسانی ءَ گوں الس ءَ را سر کنگ بیت آئی ءَ گوشت کہ پیسلہ کنگ ءِ عمل ءَ نوں نادراہ ھاسیں رنگ ءَ ھوار اَنت، آ طبی آسراتی آنی سرجمی ءُ پھجارینگ ءَ ھوار اَنت ءُ ھما کہ زرّ ءِ ھرچ کن اَنت آ ایشی ءِ تہ ءَ سرگرمیں بھر زوری کنگ ءَ اَنت، پمیشکا الس ءُ نادراہ اے عمل ءَ سرگرمیں رنگ ءَ بھر زورگ ءَ اَنت۔ امریکہ ءِ تہا یک نادراہ ءِ سرا مرکوزیں پٹ ءُ پولی ادارہ یے کہ آئی ءِ نام کاڈا انت۔ نیشنل انسٹی ٹیوٹ آف ہیلتھ اینڈ کیئر ریسرچ، نیشنل انسٹی ٹیوٹ آف ہیلتھ اینڈ کیئر ریسرچ، ءُ دگہ بازیں ادارہ پٹ ءُ پول کن انت کہ نادراہ ءِ مفاداں دیم ءَ کاریت ءُ نادراہ ءُ لس مھلوک ءَ ہوار کنت۔ لاس اینجلس ٹائمز، نادراہ ءِ وکیل ءُ جھان ءِ جان سلامتی ءِ گل یکجاہ کار کنگ ءَ انت کہ نادراہ ءُ سرجمیں دنیا ءَ لس مھلوک ءَ را ھوار بہ کن انت۔ گپ جنگ ءِ وھد ءَ من پیٹینٹ ریوولیوشن انٹرنیشنل جوائنٹ فارمنگ سوسائٹی ءُ کیئرلیب ءِ جان سلامتی ءِ آسراتی ءَ را تجارتی ءِ بدل ءَ منافع ءِ ھاترا جوڑ کنگ ءِ گپ ءَ کناں۔ برٹش میڈیکل جرنل گروپ ءِ تہا 60 جرنل وتی جرنل ءِ نبشتہ کنگ ءَ نادراہ ءُ لس مھلوک ءَ ہوار کن انت ءُ نادراہ ءِ ایڈیٹر شپ ءِ وسیلہ ءَ دیم ءَ کار انت۔ آہانی یک مزنیں میان استمانی نادراہ ءُ پبلک ایڈوائزری پینل ءِ است انت کہ آہانی ہمراہی ءَ آہاں جان سلامتی ءِ جیڑہانی گیشواری ءِ جہد ءَ کن انت۔ ڈاکٹر مرلی دھر ءَ گوشت کہ 2023 ءَ برٹش میڈیکل جرنل ءَ یک پٹ ءُ پولے شنگ کتگ کہ ایشی ءِ تہ ءَ 40 درسد نادراہ ھوار بوتگ اَنت۔ ڈاکٹر مرکدھر ءَ گوشت کہ مئے ملک ءَ اے عمل ءَ نادراہ آناں ھوار کنگ ءِ سک باز ضلورت انت ءُ نادراہ آناں سیت چست کنگ بہ بیت۔ ملک ءَ ڈاکٹرانی حلاف ءَ آمید گساں کیس است انت۔ مئے ملک ءَ ھم مردم ھیلتھ کیئر کمیشن ءَ شکایتاں سر کن اَنت بلے اگاں مشورہ ءِ کار ءَ نادراہ ءُ آھانی کھول ءِ مردم ھوار بہ بنت گڑا جاور گہتر بنت ءُ جوانیں آسر دیم ءَ کیت۔ آئی ءَ گوشت کہ سرکاری ءُ جندی اسپتال آنی تہ ءَ نادراہ آنی گہتریں الاج ءَ را باز ارزشت دیگ نہ بوتگ بلے نوں نادراہ ءُ آھانی کہول ءَ را طبی آسراتی آنی تہ ءَ ھوار کنگ ءُ سرجمیں روچ ءَ پٹ ءُ پول کنگ بوھگ ءَ انت۔ مارا اے بابت ءَ ھم جیڑگی اِنت کہ مئے طبی جرنلاں نادراہ ءِ نبشتانک ھوار کنگ بہ بنت، آ طبی کانفرنساں دعوت دیگ بہ بنت، اے درستیں چیز آزات بہ بنت، ءُ اے گپ ءَ چہ چاگرد ءِ جان سلامتی گہتر بیت۔
