اسلام آباد – 5 مارچ (اے پی پی): پاکستان مسلم لیگ ءِ سینئر رہشون ءُ سینیٹ ءِ تہا پارلیمانی پارٹی ءِ رہشون سینیٹر عرفان صدیقی ءَ چار شمبے ءِ روچ ءَ دارالعلوم حقانیہ اوکاڑہ خٹک ءِ تر ءُ تاب کتگ ءُ مولانا عبدالحق ثانی مولانا حامد الحق ءِ شہادت ءِ درگت ءَ پاتیہ پیش کتگ۔ نائب مہتمم مولانا راشد الحق سمیع ءُ ایندگر سروک ھم ساڑی اتنت. سینیٹر عرفان صدیقی ءَ مولانا حمید الحق حقانی ءِ زھگ ءُ سیاسی جانشین مولانا عبدالحق ثانی، جامعہ ءِ نائب سروک مولانا رشید الحق سمیع، استاد ءُ نودربراں گوں گپ ءُ تران کنان ءَ گوشت کہ مولانا حامد الحق ءِ شھیدی مئے درستانی واستہ مزنیں جھٹکا انت۔ مولانا سمیع حق ءِ شہادت ءَ پد مولانا حمید الحق ءَ دارالعلوم ءِ کار سک وش ءُ وشحالی ءَ دیم ءَ برت انت ءُ راجی سیاست ءِ تہا جمعیت علما اسلام (ع) ءَ ہم سرگرم داشت۔ عرفان صدیقی ءَ گوشت کہ منی گوں دارالعلوم حقانیہ اکورہ خٹک ءَ دیریں روحانی سیادی است انت۔ آئی ءَ گوشت کہ ناشرکاراں جامعہ حقانیہ ءِ سر ءَ اُرش کنگ ءُ مولانا حمید الحق ءَ را نشانگ جوڑ کنگ ءَ مارا اے کلوہ داتگ کہ ما یکجا بہ بئیں ءُ ناشرکاری ءِ بُن ھشت ءَ چیر دیگ ءِ واستہ ھمک ممکنیں گامگیج چست بہ کن ایں انشاء اللہ مولانا حمید الحق ءِ ھون زوال نہ بیت۔ سینیٹر عرفان صدیقی ءَ ھم موتکی کتاب ءَ وتی ھیال ءُ لیکہ نبشتہ کت اَنت۔
