اسلام آباد – 5 مارچ (اے پی پی): متحدہ عرب امارات ءِ انٹرنیشنل فری زون اتھارٹی پاکستان ءِ ھاسیں اقتصادی زون آنی تہ ءَ سرمایہ کاری کنت ۔ چار شمبے ءِ روچ ءَ مزن وزیر ءِ میڈیا کارگس ءِ نیمگ ءَ جاڑی بوتگیں بیان ءِ رد ءَ متحدہ عرب امارات ءِ انٹرنیشنل فری زونز اتھارٹی ءُُ الیریا گروپ ءِ 8باسکی ڈل ءَ مزن وزیر محمد شہباز شریف ءَ گوں مزن وزیر ءَ گند ءُ نند کتگ۔ اے دیوان ءَ انٹرنیشنل فری زونز اتھارٹی ءِ چیئرمین مارٹن گریگرز پیڈرسن ءُ الیریا ءِ منیجنگ پارٹنر منا علی محمد حماد الشمسی ءُ دگہ کارندہ آں بہر زرتگ۔ نائب مزن وزیر ءُ درئی کارانی وزیر اسحاق ڈار، منصوبہ بندی ءِ وفاقی وزیر احسن اقبال، نجکاری ءِ وفاقی وزیر عبدالعلیم خان، وفاقی وزیر ءِ اطلاعات ءُ نشریات عطا اللہ تارڑ، ھاسیں کمکار طارق فاطمی ءُ سیادی داروکیں مزنیں حکام ھم گند ءُ نند ءَ ھوار بوتگ اَنت۔ پاکستان ءَ بازیں شوبگ آنی تہ ءَ سرمایہ کاری ءِ مزنیں موہ است انت حکومت ملک ءَ کاروباری ءُ سرمایہ کاری دوستیں چاگرد ءِ پھجارینگ ءِ واستہ اولویت ءِ بنیاد ءَ گامگیج زورگ ءَ انت۔ ڈل ءَ مزن وزیر محمد شہباز شریف ءِ سروکی ءَ پاکستان ءِ اقتصادی برجائی ءِ توسیپ کت ءُُ گوشت کہ پاکستان خطہ ءَ سرمایہ کاری ءِ واستہ موزوں تریں مارکیٹ ءِ رنگ ءَ سہرا بوھگ ءَ انت۔ ڈل ءَ پاکستان ءَ وتی سرمایہ کاری ءِ نشان ءَ را گیش پراھی کنگ ءِ واستہ سک باز واھشت ءِ درشان کت۔ گند ءُ نند ءِ پد ءَ پاکستان ءِ استیں ھاسیں اقتصادی زون آنی تہ ءَ سرمایہ کاری ءِ ھوالگ ءَ بورڈ آف انویسٹمنٹ ءُ انٹرنیشنل فری زونز اتھارٹی ءِ نیام ءَ یک مفاہمت نامہ ءِ ھم بدلی کنگ بوت، ایشی ءِ تہ ءَ مزن وزیر ءَ بھر زرتگ۔ متحدہ عرب امارات ءِ انٹرنیشنل فری زونز اتھارٹی ءُُ بورڈ آف انویسٹمنٹ آف پاکستان ءِ نیام ءَ پاکستان ءِ استیں ھاسیں اقتصادی زون آنی تہ ءَ سرمایہ کاری ءِ واستہ یک مفاہمت نامہ ءِ بدل کنگ بوتگ۔ متحدہ عرب امارات ءِ انٹرنیشنل فری زونز اتھارٹی پاکستان ءِ استیں ھاسیں اقتصادی زون آنی تہ ءَ بازیں منصوبگ آنی تہ ءَ سرمایہ کاری کنت ۔
