بیجنگ۔5فروری (اے پی پی): گرینڈ نیشنل اسمبلی ءَ پاکستان ءُ چین ءِ نیام ءَ وت مہ وتی سیت ءِ جتا جتائیں شوبگ آنی تہ ءَ مفاہمت نامہ ءِ سر ءَ دستخط کنگ ءِ مراگش برجم دارگ بوت۔ مراگش ءَ چین ءِ صدر شی جن پنگ ءُ صدر آصف علی زرداری ءَ بہر زرتگ ات۔ چین ءَ گریٹ ہال آف پیپلز ءَ بازیں مفاہمت نامہ آنی سر ءَ دستخط کنگ ءِ مراگش ءِ ساھت ءَ دوئیں نیمگ ءَ سائنس ءُ ٹیکنالوجی، صنعت، تجارت ءُ اقتصادی کمک ءِ شوبگ ءَ کمک ءَ را گیش کنگ ءِ واستہ معاہدہ آنی سر ءَ دستخط کنگ بوت۔ پاکستان ءُ چین ءَ جان سلامتی ءُ تکنیکی کمک، میڈیا، توانائی، ءُ چاگردی ءُ اقتصادی دیمروئی ءَ ھوار جتا جتائیں شوبگ آنی تہ ءَ کمک ءِ ھوالگ ءَ ھم معاہدہ کتگ۔ صدر آصف علی زرداری چین ءِ صدر شی جن پنگ ءِ دعوت ءِ سرا پنچ روچی سرکاری تر ءُ تاب ءَ انت ءُ صدر ءِ ہمراہی ءَ مزن تک ءِ ڈل ہم چین ءِ تر ءُ تاب ءَ انت۔
