بیجنگ۔5فروری (اے پی پی): صدر آصف علی زرداری ءُ چینی صدر شی جن پنگ ءَ وتی گند ءُ نند ءِ ساھت ءَ یکجائی آیوکیں وھد ءِ پاک چین ءِ کمیونٹی ءَ را مھکم کنگ ءِ واستہ مردم آنی نیام ءَ رابطہ ءُ دود ءُ ربیدگ ءِ تبادلہ ءِ ضلورت ءِ سر ءَ زور پر دات ءُ گوشت کہ پاک چین ءِ اقتصادی راہداری ءَ چہ دمگی وشھالی ءُ وشھالی ءَ را گیش کنگ بیت۔ چار شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر آصف علی زرداری ءَ چنڈی گڑھ ءَ گریٹ پیپلز گس ءَ چین ءِ صدر شی جن پنگ ءَ گوں ڈل ءِ تک ءَ گند ءُ نند کتگ ءُ دو نیمگی سیادی ءُ میاں اوستمانی معاملہ آنی تہ ءَ جوانیں مومنٹم ءِ سر ءَ ھیال ءُ لیکہ درشان کتگ۔ دیوان ءَ چہ پیسر صدر ءِ مملکت ءِ شرپ ءَ استقبالیہ مراگش ھم برجم دارگ بوت آئی ءِ کاگان ءِ گریٹ ہال آف پیپلز ءَ سر بوھگ ءَ پد صدر شی جن پنگ ءَ صدر آصف علی زرداری ءَ را گہتری ءَ گوں وش آتک کت۔ زھگانی یک ٹولی یے ءَ ھم صدر ءِ مملکت ءَ را مزنیں وش اتک کت۔ صدر آصف علی زرداری ءُ چینی صدر شی جن پنگ ءَ ڈل ءِ تک ءَ گند ءُ نند کتگ ایشی ءِ تہ ءَ دوئیں صدر آنی نیام ءَ دو نیمگی سیادی ءِ جوانیں مومنٹم ءِ سر ءَ ھیال ءُ لیکہ درشان کنگ بوتگ۔ صدر ءِ مملکت ءُ چیکا ءِ صدر ءِ نیام ءَ گند ءُ نند ءِ ساھت ءَ یکجائی دلچسپی ءِ دمگی ءُ میاں اوستمانی جیڈھ آنی سر ءَ ھم ھیال ریچی کنگ بوت۔ دوئیں صدر آں دو نیمگی شریکداری ءِ دائرہ کار ءَ را گیش وسعت دیگ ءِ موہ آنی سر ءَ ھم ھیال ءُ لیکہ ءِ درشان کت ءُ یکجائی دلچسپی ءِ جیڈھ آنی سر ءَ یک دومی ءِ کمک ءِ سر ءَ پدا زور دات۔ گپ ءُ تران ءِ ساھت ءَ صدر ءِ مملکت ءَ چین ءِ گوما کمک ءِ پائیداریں اسٹریٹجک شریکداری ءِ واستہ پاکستان ءِ بے مٹیں عزم ءِ پدا زور دات۔ صدر ءِ مملکت ءَ دوئیں ملک آنی نیام ءَ بے دروریں، آزمائشی ءُ ھاسیں سیادی آنی سر ءَ زور پر دات ءُ گوشت کہ چین ءِ مثالی دیمروئی ءُ وشھالی چینی حکومت ءِ وژن ءُ چینی الس ءِ سرگرمی ءِ درشان اِنت۔ صدر ءِ مملکت ءَ بیلٹ اینڈ روڈ انیشیٹیو ءِ چیر دستی ءَ جھان ءِ دیمروئی ءِ تہ ءَ مزنیں کرد ءِ سر ءَ صدر شی جن پنگ ءَ را مزنیں شگر ءُ منت ءِ درشان کت۔ آئی ءَ گوشت کہ پاک چین اقتصادی راہداری بیلٹ اینڈ روڈ انیشیٹیو ءِ چیر دستی ءَ وت مہ وتی کمک ءِ تصور ءِ یک چمکداریں درور انت۔ گند ءُ نند ءِ تہ ءَ پاک چین اقتصادی راہداری 2.0 ءِ مزن تک ءِ دیمروئی ءِ سر ءَ ھم گپ ءُ تران کنگ بوت۔ صدر آصف علی زرداری ءُ چین ءِ صدر شی جن پنگ ءِ نیام ءَ ڈل ءِ تک ءَ گند ءُ نند ءِ ساھت ءَ جار ھم جنگ بوت۔ جارانک. گشگ بوھگ ءَ اِنت کہ پاک چین ءِ اقتصادی راہداری ءَ چہ دمگی رابطہ، یکجائی آسراتی ءُ وشھالی ءَ را گیش کنگ بیت ایشی ءِ تہ ءَ پاک چین ءِ کمیونٹی ءَ را یکجائی آیوکیں وھد ءِ واستہ مھکم کنگ ءِ واستہ مردم آنی نیام ءَ رابطہ ءُ دود ءُ ربیدگ ءِ تبادلہ ءِ ضلورت ءِ سر ءَ ھم زور دیگ بیت۔ اے موہ ءِ سر ءَ صدر آصف علی زرداری ءَ چین ءِ صدر شی جن پنگ ءَ را پاکستان ءِ تر ءُ تاب ءِ دعوت داتگ۔ صدر ءِ مملکت ءَ گوشت کہ پاکستان ءِ الس ئُُ حکومت ءَ صدر شی جن پنگ ءَ را یک رژنائیں راھشون ئُُ پاکستان ءِ ھاسیں دوست ءِ بستار ءَ سک باز ارزشت داتگ۔ گند ءُ نند ءِ پد ءَ مفاہمت نامہ آنی سر ءَ دستخط کنگ ءِ مراگش ھم برجم دارگ بوت۔ مراگش ءِ ساھت ءَ سائنس ءُ ٹیکنالوجی، طب، توانائی، ءُ چاگردی ءُ اقتصادی دیمروئی ءِ ھوار دگہ شوبگ آنی تہ ءَ کمک ءَ را گیش کنگ ءِ واستہ مفاہمت نامہ آنی سر ءَ دستخط کنگ بوت۔ ایشی ءَ پد چین ءِ صدر شی جن پنگ ءَ صدر آصف علی زرداری ءُ آئی ءِ ڈل ءِ شرپ ءَ شپ ءِ ورگ ءِ میزبانی ھم کت۔
