اسلام آباد۔5مارچ (اے پی پی): بنجاھی تہی کارانی وزیر محسن نقوی ءَ پشاور ءِ ورسک روڈ ءَ تیرگواری ءِ وئیل ءِ مذمت کنان ءَ گوشت کہ انسپکٹر شاہد انور ءَ وتی زمہ واری ءِ پیلو کنگ ءِ وھد ءَ شہید ءِ مزنیں درجہ رس اِتگ اَنت۔ چار شمبے ءِ روچ ءَ وزیر داخلہ محسن نقوی ءَ انسپکٹر شاہد انور ءَ را خراج تحسین پیش کت کہ آ تیر گواری ءَ شہید بوتگ آئی ءَ انسپکٹر شاہد انور ءِ ھاندان ءَ گوں دل ءِ جہلانکی ءَ دلپدردی ءِ درشانی کت۔ شھید انسپکٹر شاہد انور ءِ قربانی ءَ را سلام پیش کنان ءَ آئی ءَ گوشت کہ ما شھید انسپکٹر شاہد انور ءِ کھول ءِ غم ءَ شریک ایں ۔
