اسلام آباد۔5مارچ (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءِ سروکی ءَ کابینہ ءِ ضروری فصلانی بابت ءَ کمیٹی ءِ ھاسیں دیوان برجم دارگ بوت۔ چار شمبے ءِ روچ ءَ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ وزارت ءِ راجی وردن ءُ وراک ءِ سلامتی ءُ پٹ ءُ پول ءِ ٹیم ءِ سروکی ءَ بنجاھی وزیر رانا تنویر حسین ءُ بنجاھی سیکرٹری وسیم اجمل چوہدری ءَ کتگ۔ دیوان ءَ رابی 2024-25ءِ واستہ گندم ءِ پالیشی ءِ ھوالگ ءَ کابینہ کمیٹی ءِ رپورٹ پیش کنگ بوتگ ءُ راجی فوڈ سیکیورٹی ءُ پٹ ءُ پول ءِ بنجاھی وزیر رانا تنویر حسین ءَ رواں سال ءِ ھاتر ءَ کشت ءُ کشار ءِ ضلورت ءِ بابت ءَ کمیٹی ءَ را سرپدی داتگ۔ . کمیٹی ءَ بنجاھی ءُ صوبائی زرعی پٹ ءُ پولی نظام آناں ہم آہنگی ءِ سر ءَ ھم تران کت تانکہ فی ایکڑ پیداوار ءُ سرجمیں زرعی پیداوار ءَ را گیش کنگ بہ بیت۔ نائب مزن وزیر محمد اسحاق ڈار ءَ صوبائی حکومت آنی گوما شور ءُ سلاھ ءِ سر ءَ زور پر دات تانکہ اے گپ ءَ را دل یکیمی کنگ بہ بیت کہ پالیسی کشت ءُ کشاری ءَ را فائدگ بہ رسیت ءُ شعبہ جاتی برجائی ءَ را کمک بہ کنت۔ دیوان ءَ کشت ءُ کشاری ءِ واستہ منصفانہ نرخ آنی پکّائی ءُ مارکیٹ ءِ تہ ءَ استحکام ءِ برجائی ءِ واستہ گندم ءِ حمایتی نرخ ءِ ٹھینگ ءِ سر ءَ ھم چار ءُ تپاسی کنگ بوت۔ نائب مزن وزیر ءَ وزیر ھزانگ ءَ را ہدایت کت کہ آ زرعی پالیشی کمیٹی ءِ گپ ءُ تران ءَ کلیدی گپ ءُ تران ءِ نکاتاں ہوار بہ کنت تانکہ پالیشی ءِ فریم ورک ءَ را گہتر ءُ مھکم بہ کنت۔ گند ءُ نند ءَ حکومت ءِ زرعی معیشت ءَ را مھکم کنگ، فوڈ سیکیورٹی ءَ را دل یکیمی کنگ ءُ اصلاحات ءِ گامگیج آنی وسیلگ ءَ کاشتکاری ءِ شوبگ ءَ را دیمروئی ءَ را گیش کنگ ءِ واستہ حکومت ءِ جزم ءِ سر ءَ زور پر دات۔ بیان ءِ رد ءَ وزارت راجی فوڈ سیکیورٹی ءُ پٹ ءُ پول ءِ نیمگ ءَ چہ فوڈ سیکیورٹی ءَ را دل یکیمی کنگ ، کشت ءُ کشاری ءِ کمک ءُ پائیدار پالیشی ءُ اسٹریٹجک مداخلت ءِ وسیلگ ءَ کشت ءُ کشاری ءِ مھکم کنگ ءِ ھاتر ءَ جزم انت بیان ءِ رد ءَ راجی خوراک ءِ سلامتی ءُ پٹ ءُ پول ءِ ھاتر ءَ کمک کنگ ءَ انت۔ بیان ءِ رد ءَ وزارت نیشنل فوڈ سیکورٹی اینڈ ریسرچ دراج بریں برجائی ءُ دیمروئی ءِ واستہ مھکمیں پالیشی ءِ وسیلگ ءَ وردن ءُ وراک ءِ رکھینگ ءَ را دل یکیمی جوڑ کنگ، دھکان آنی کمک ءُ کشت ءُ کشار ءَ را مھکم جوڑ کنگ ءِ واستہ جزمیگ انت۔
