اسلام آباد۔5مارچ (اے پی پی): صدر آصف علی زرداری ءَ بنو ں کینٹ ءَ ناشرکارانی گوما بہادری ءَ گوں جنگ ءِ وھد ءَ وتی جان ندر کنوکیں پنچیں سپاھیگ آناں توسیپ ءُ ستا پیش کنان ءَ گوشت کہ پاک اُرد ءِ بہادریں سپاھیگاں گوں خوارج ناشرکاراں گوں بہادری ءَ جنگ کتگ۔ چار شمبے ءِ روچ ءَ صدارتی ایوان ءِ پریس ونگ ءِ رد ءَ صدر ءِ مملکت ءَ گوشت کہ مزاحمت ءِ ساھت ءَ 4 وت کُش تراک آناں ھوار 16 ناشرکار آنی ھلاسی ستا کرزیں گپ اِنت۔ آئی ءَ اے وئیل ءِ تہ ءَ 5 سپاھیگ ءَ ھوار بے گناہیں لس مردم آنی شھید کنگ ءِ سر ءَ اپسوز درشان کتگ۔ صدر ءِ مملکت ءَ شہید آں گوں دلپدردی ءِ درشانی کتگ ءُ آہانی گس ءِ مردم آں گوں ہمدردی ءِ درشانی کتگ۔ صدر آصف علی زرداری ءَ ناشرکاری ءِ وئیل ءَ ٹپیگیں مردمانی زوت جان سلامتی ءِ دعا ھم کتگ ۔
