اسلام آباد۔5مارچ (اے پی پی): مزن وزیر محمد شہباز شریف ءَ بنوں کنٹونمنٹ ءِ سر ءَ ناکامیں اُرش ءَ ھواریں فتنہ الخوارج ناشرکار آنی ھلاپ ءَ سوبمندیں آپریشن ءِ واستہ سیکورٹی فورسز ءَ را شگر ءُ منت گپتگ ءُ وتی پنچ سیکورٹی فورسز ءِ کارندہ آنی توسیپ ءُ ستا پیش کتگ۔ چار شمبے ءِ روچ ءَ مزن وزیر ءِ کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ شہید آنی آکبت ءِ برز کنگ ءِ دعا کتگ ءُ آھانی کھول ءِ مردم آناں گوں دلپدردی درشان کتگ مزن وزیر ءَ سیکورٹی فورسز ءِ توسیپ کتگ کہ آ آھن ءِ دیوال ءِ وڑ ءَ اوشتاتگ انت، سرجمیں راج سلاھ بندیں ارد ءَ را سلام پیش کنت۔ مزن وزیر ءَ گوشت کہ ملک ءَ چہ ھمک رنگیں ناشرکاری ءِ سرجمیں ھلاسی ءِ واستہ جزمیگ اِنت۔
