لاہور۔4مارچ (اے پی پی): پنجاب ءِ سر وزیر مریم نواز ءَ صوبگ ءِ تہ ءَ 170 سیل ءُ سواد ءِ جاہ ءُ ٹریل آنی جوڑیشت، مرمت ءُ بحالی ءِ واستہ اصولی منظوری داتگ ءُ ھمے رنگ ءَ پنجاب ءِ اولی سیل ءُ سواد ءُ میراث اتھارٹی ءِ واستہ ھم اصولی منظوری داتگ۔ بنجاھی وزیر مریم نواز ءِ سروکی ءَ سئے شمبے ءِ روچ ءَ ھاسیں دیوان ءِ برجم دارگ بوت۔ گند ءُ نند ءَ ایکو ٹورزم ءِ دیمروئی ءِ واستہ چنگا منگا فارسٹ پارک ءُ لال سوہانرا نیشنل پارک ءِ دیمروئی ءِ سر ءَ تپاک کنگ بوت۔ گند ءُ نند ءَ اے گپ ءِ سر ءَ ھم تپاک کنگ بوت کہ سیل ءُ سواد ءِ دیمروئی ءِ تہ گورننس ءَ را گہتر کنگ ءِ واستہ پنجاب سیل ءُ سواد ءُ ورثہ اتھارٹی ایکٹ 2025 ءِ دیم ءَ آرگ بیت۔ دیوان ءَ را بریفنگ ءِ تہ ءَ سرپدی دیگ بوت کہ پنجاب ءِ اولی سرجمیں ٹورزم میگنیفیسنٹ ایپ جوڑ کنگ بوتگ ءُ زوت اے ایپ ءِ بندات کنگ بیت۔ شاندار ایپ 170 سیل ءُ سواد ءِ جاہانی ورچوئل ٹور ءِ اجازت دنت۔ شاندار پنجاب ، اولی سیل ءُ سواد ءِ ایپ ءِ تہا سیل ءُ سواد ءِ ھوالگ ءَ درستیں فیچر ھوار انت۔ سفری تر ءُ تاب ءُ ہوٹل ءِ بکنگ ہم شاندار ایپ ءِ وسیلہ ءَ کنگ بیت۔ فوڈ پانڈا ءُ دگہ سروسز ھم شاندار ایپ ءِ وسیلگ ءَ دست کپ اَنت۔ شاندار ایپ ءِ سرا چیٹ بوٹ ءَ چہ ھم کارآمدیں زانتکاری رس اِت کنت۔ آئی ءَ پنجاب ءِ مزنیں ءُ سرجمیں سیل ءُ سواد ءِ منصوبگ ءِ ھم اصولی منظوری داتگ کہ سیل ءُ سواد ءِ منصوبگ ءِ چیر دستی ءَ سرجمیں پنجاب ءَ مذہبی، راجدپتری، کوھنیں ورثہ، آثار قدیمہ ءُ ایکوٹورزم ءِ دیمروئی کنگ بیت۔ سیل ءُ سواد ءِ میتگ ھم پہ سیل ءُ سواد کنوکاں جوڑ کنگ بنت کہ آ کوھنیں تہذیب ءِ نزیکی ءِ احساس ءَ بہ دنت۔ پنجاب ءَ اولی رند ءَ سیل ءُ سواد ءِ راہ ھم دیمروئی دیگ بیت۔ ڈسٹرکٹ مال روڈ، لاہور ءِ والڈ سٹی، سکھ سائٹ، جی ٹی روڈ ءِ مغل یادگار ہم سیاحتی ٹریل ءِ تہا ہوار انت۔ سالٹ رینج، بھاتی گیٹ، ٹیکسلا گیٹ، گجرانوالہ، ایمان آباد سکھ سیل ءُ سواد ءِ راہ ھم جوڑ کنگ بنت۔ جتا جتائیں شہر آنی تہ ءَ سیل ءُ سواد ءِ ھند ءُ دمگ آناں سیل ءُ سواد ءِ کلسٹر ءِ رنگ ءَ دیمروئی دیگ بیت۔ لاہور، ملتان، بہاولپور، چکوال ءُ جہلم ءَ ہوار جتاجتائیں شہراں سیل ءُ سواد ءِ جاہ جوڑ کنگ بنت۔ گندھار تہذیب ءَ گوں سیادی داروکیں گندھار ٹریل ءَ سیل ءُ سواد ءِ منصوبہ ءِ تہا ٹیکسلا میوزیم، دھرم راچی کا، جولیان، سرکیپ ءُ گری فورٹ ہم ہوار انت۔ ملتان ءِ زندگیں میراث ءِ جاہ قیلہ کہنا قاسم باغ سندھ وادی تہذیب ءِ علامت ءِ رنگ ءَ بحال کنگ بیت۔ مہمان آنی آسراتی ءِ واستہ اوچ شریف ءَ ھاسیں ٹریل جوڑ کنگ بیت۔ سیل ءُ سواد ءِ دیمروئی ءِ واستہ گُردوار ءُ چرچ آنی کوھنیں ماڑی آناں بحال کنگ ءِ تجویز ءِ سر ءَ ھم چار ءُ تپاسی کنگ بوت کہ آ پنجاب ءَ را گلوبل سیل ءُ سواد ءِ دیمروئی ءِ واستہ بنیات ایر کنگ ءَ اَنت آ ٹیکسلا ءَ را سرجمیں سیل ءُ سواد ءِ جاہ جوڑ کنگ لوٹ اَنت ، ءُ سیل ءُ سواد ءِ مرکز جوڑ کنگ بنت۔
