اسلام آباد۔4مارچ (اے پی پی): تاجکستان ءِ سفیر ءَ صنعت ءُ پیداوار ءِ بنجاھی وزیر رانا تنویر حسین ءَ گوں گند ءُ نند ءَ پاکستان ءُ تاجکستان ءِ نیام ءَ تجارتی ءُ اقتصادی سیادی ءُ ایف ٹی اے ءِ معاہدے ءِ بابت ءَ گپ ءُ تران کنگ بوت۔ صنعت ءُ پیداوار ءِ بنجاھی وزیر رانا تنویر حسین ءُ تاجکستان ءِ سفیر ءِ نیام ءَ گپ ءُ تران ءِ تہ ءَ گوادر ءُ کراچی ءِ بندرگاہ آنی کارمرد کنگ، رسد ءِ جیڈھ آنی گیواری، پاکستان ءِ پیداوار آنی تہ ءَ تاجکستان ءِ دلگوشی، ءُ تاجکستان ءِ براہ راست بالی گراب آنی ضلورت ءِ سر ءَ گپ ءُ تران کنگ بوتگ۔ . گند ءُ نند ءَ آہاں دوئیں براتیں ملک آنی نیام ءَ تجارتی سیادی ءَ را گیش دیمروئی دیگ ءِ ضلورت ءِ سر ءَ زور پر دات کہ پاکستان ءُ تاجکستان ءِ نیام ءَ تجارتی سیادی ءَ را گیش گیش کنگ بیت، براتیں ملک تاجکستان ءِ جیڈھ آنی گیواری ءِ واستہ ہر وڑیں کوشست کنت، تاجکستان ءِ اے جیڈھ آناں وش آتک کنگ بیت۔ پاکستان ءَ تجارتی نمائش ءِ برجم دارگ ءِ سر ءَ ھم ھیال ءُ لیکہ کنگ بوتگ ایشی ءِ ساھت ءَ رانا تنویر حسین ءُ تاجکستان ءَ شکر ءِ برآمد کنگ ءِ ھوالگ ءَ ھاسیں گپ ءُ تران کنگ بوتگ۔ تاجکستان ءِ سفیر ءَ پاکستان ءُ تاجکستان ءِ نیام ءَ براہ راست بالیگ ءِ ضلورت ءِ سر ءَ زور پر دات۔
