اسلام آباد۔4مارچ (اے پی پی): کشمیر ءِ کارانی بنجاھی وزیر انجینئر امیر مقام ءَ گوشت کہ مزن وزیر شہباز شریف ءِ ذاتی کوشست آنی سبب ءَ پاکستان ءَ را ڈیفالٹ ءَ چہ رکینتگ۔ سئے شمبے ءِ روچ ءَ مزن وزیر شہباز شریف ءِ حکومت ءِ یک سال ءِ سرجمی ءِ ھوالگ ءَ وتی بیان ءَ بنجاھی وزیر ءَ گوشت کہ مزن وزیر شہباز شریف ءُ بنجاھی وزیر مریم نواز شریف ءَ یک سال ءِ تہ ءَ بے دروریں کار کتگ الس ءِ ایمانداری ءَ گوں ھزمت کنگ، پاکستان ءَ را دلجمی ءَ گوں دیمروئی دیگ ءُ مخلصانہ رنگ ءَ جوڑ کنگ ءِ یک وشھالی یے ۔ آئی ءَ گوشت کہ پاکستان مسلم لیگ (ن) ءَ وتی وعدہ پیلو کتگ، ءُ نواز شریف ءِ سروکی ءَ پاکستان پدا سوبمند بوتگ۔ امیر مقام ءَ گوشت کہ مزن وزیر شہباز شریف ءِ ذاتی کوشست آنی سبب ءَ پاکستان ءَ را ڈیفالٹ ءَ چہ رکّینگ بوتگ۔ما آئی ءِ راج دوستی ءَ را سلام پیش کن ایں افراط زر 9سال ءِ کم ترین کچ ءَ 1.5 درسد ءَ سر بوتگ، ءُ سود ءِ شرح 22 درسد ءَ چہ 12 درسد ءَ سر بوتگ، اے گپ ءِ رد ءَ پاکستان ءَ را گواہی داتگ کہ اقتصادی ءِ رد ءَ نہ بوتگ ۔ درملکی پاکستانیاں ھم زرّ ءِ نہ روان دیگ ءِ جار رد کتگ۔نواز شریف ءِ سروکی ءَ پاکستان مسلم لیگ ءَ یک رندے پدا ناممکنیں کارکرد ممکن کتگ۔ یک سالے ءِ تہا امن ءُ ایمنی رستگ، معیشت ءِ تہا استحکام بوتگ ءُ پاکستان ءِ عزت ءُ دنیا ءِ تہا مقام بحال بوتگ۔
