اسلام آباد۔4مارچ (اے پی پی): مزن وزیر محمد شہباز شریف بنجاھی حکومت ءِ اولی سال ءِ سرجمی ءِ سر ءَ برجم داشتگیں ھاسیں دیوان ءَ وتی حکومت ءِ یک سالی کارکرد پیش کنت کاروباری مردم، چیمبرز ءِ نمائندگ، زالبول، نودربر ءُ ریاست ءِ ایندگر شعبہ آں بہر زورگ ءَ انت۔ وزیر ءِ کارگس ءَ سئے شمبے ءِ روچ ءَ مزن وزیر ءِ سروکی ءَ ھاسیں دیوان برجم دارگ بیت کہ ایشی ءِ تہ ءَ مزن وزیر محمد شہباز شریف ءِ سروکی ءَ بنجاھی حکومت ءِ اولی سال ءِ سرجمی ءِ ھوالگ ءَ بنجاھی کابینہ ءِ کارکرد ءِ سر ءَ چار ءُ تپاسی کنگ بیت۔ ھاسیں دیوان ءَ بنجاھی کابینہ ءِ کارکرد ءِ چار ءُ تپاسی کنگ بیت۔ تاجر، چیمبر ءِ نمائندگ، زالبول، نودربر ءُ دگہ ھواریں جتا جتائیں تک ءُ پھنات ءِ شہری اے ھاسیں دیوان ءَ دعوت دیگ بوتگ اَنت کہ آ وت دیوان ءِ گواہ بہ بنت ءُ گوستگیں سال ءِ تہ ءَ سرکار ءِ گامگیج ءُ آیوکیں منصوبگ آنی بابت ءَ سرپد بہ بنت۔ اے موہ ءَ مزن وزیر گشتانک ھم دنت۔
