اسلام آباد۔3مارچ (اے پی پی): یوٹیلٹی اسٹورز کارپوریشن ءَ مہنگائی ءَ چہ الس ءَ را رکھینگ ءِ ھاتر ءَ رمضان ءِ کمکی پیکج بندات کتگ کہ اے کمکی پیکج تاں سرجمیں ماہ ءَ برجاہ بیت۔ یوٹیلٹی اسٹورز ءِ جارکش ءَ وتی بیان ءَ گوشت کہ مدام ءِ وڑ ءَ اے سال ءَ ھم یوٹیلٹی اسٹورز کارپوریشن ءِ نیمگ ءَ چہ رمضان ءِ کمکی پیکج ءِ وسیلگ ءَ الس ءِ لوٹ آناں ھیال ءَ دارگ ءَ یوٹیلٹی اسٹورز کارپوریشن ءَ سرجمیں وردن ءُ وراک ءِ چیز آنی دستیابی ءَ را دل یکیمی کتگ۔ یوٹیلٹی اسٹورز کارپوریشن ءِ رمضان ریلیف پیکج 2025 ءِ باقاعدہ بندات کنگ بوتگ ءُ اے تاں سرجمیں ماہ ءَ برجاہ بیت۔ یوٹیلٹی اسٹورز کارپوریشن ءَ رمضان ءِ تہ ءَ لس مھلوک ءِ آسراتی ءِ واستہ 800 ءَ چہ گیش برانڈڈ چیز آنی سر ءَ 15درسد ءَ تاں رعایت داتگ۔ خالص گرام آٹہ، خرما، گھی، دال، شکر، چاول، چائے، دودھ، مشروبات ءُ مصالحہ ھم رعایتی شرح ءَ دیگ بنت۔
