ریاض۔ 03 مارچ (اے پی پی) سعودی عرب غزہ ناپٹی ٹی انسانی امداد نا داخلہ ءِ توننگ نا اسرائیلی حکومت نا فیصلہ نا ترندی اٹ مذمت ءِ کرینے۔ ایس پی اے نا رداٹ سعودی وزارت خارجہ نا بیان اٹی خبڑدار کننگانے کہ دا گام غزہ ٹی بگڑینگوک آانسانی تنکی نا پس منظر اٹی (ہراڑتون فلسطینی الس مون تننگ ءُ) جہانی انسانی کانود نا براہ راست خلاف ورزی ءِ۔ مملکت جہانی برادری آ زور شاغا کہ او اسرائیل نا دا بھلا خلاف ورزی تے توننگ کن گام گیج، جہانی احتسا ب نا میکانزم ءِ فعال کے و امداد نا فراوانی ءِ پک کننگے۔ یات سلے کہ اسرائیل شنبے آ پاریسس کہ او غزہ نا پٹی کن ہروڑنا کمکی گڑاتا داخلہ ءِ توننگ ءِ۔
