اسلام آباد۔ 03 مارچ (اے پی پی) بنجائی وزیر توانائی سردار اویس احمد خان لغاری ملک انا زرگزرانی شونداری کن بجلی نا ٹیرف ءِ معقول کننگ نا اہمیت آ زور شاغسا پارینے کہ آئی پی پیز آتون مذاکرات آجو، انصاف اٹ و شفاف ءِ، آئی پی پیز آتون مذاکرات کپننگ یا ثالثی و فرانزک آڈٹ نا آپشن ءِ۔ ترجمان پاور ڈویژن نا رداٹ داخیال آتا درشانی ءِ او پاور سیکٹر انٹرنیشنل ڈویلپمنٹ پارٹنرز آتون پاور سیکٹر ریفارمز نا بابت اڈہلوک دیوان اٹی کرے۔ شونداری شریدار آتا سرکڑدہ ئی کنٹری ڈائریکٹر ورلڈ بینک ناجی بینہسین کرے۔ داوخت آ بنجائی وزیر صارف خاص کر صنعت کن اڑزان بجلی نا بابت اصلاحات نا بارواٹی معلومدار کرے۔ اویس لغاری پارے کہ دااصلاحات آن پاور ڈویژن نا کارکڑد و نظم وضبط گچین مریک، آئی پی پیز آتون مذاکرات آجو، انصاف و شفاف ءِ، آئی پی پیز آتون مذاکرات کپننگ یا ثالثی و فرانزک آڈٹ آپشن ءِ۔ اویس لغاری پارے کہ ملک انا زرگزران کن بجلی نا ٹیرف ءِ معقول کننگ نا اہمیت آ زور شاغیوہ، غٹ شونداری شریدار آتے ہم کوپہ ہلسا کانہ۔ بنجائی وزیرپارے کہ اصلاحات اٹی فرنس آئل آ تالان پلانٹ آتا چٹفنگ و درآمدی کولاءِ ہندی کولاٹی بدل کننگ اوار ءِ، نیٹ میٹرنگ نا ریشنلائزیشن ہم کننگک ہراڑآن ایلو صارف آتیا ودکی بھاریم تمپک۔ دیوان اٹی بشخ ہلوک آ ک اصلاحات نا ستاءِ کریر و پورو کمکاری نا باوری کرفیر۔
