اسلام آباد۔ 03 مارچ (اے پی پی) نیشنل ہائی وے اتھارٹی (این ایچ اے) قومی شاہراہ تیا 13 ٹول پلازہ غاتا بست وبند و آپریشن کن ای بڈز جمع کرفنگ نا مد اٹی ودکی نا پڑو کرینے۔ این ایچ اے نا ترجمان نا رداٹ ای بڈز جمع کرفنگ نا تاریخ اٹی 5 مارچ 2025 اسکان ودکی کننگانے، دامعاہدہ غاتیٹی ٹول خراج ہلنگ، چیٹ و سٹریٹجک ہند آتیا آپریشن تا بست وبند کون آ زمواریک اوار ءُ۔ اوپارے کہ ہراڑتون نیشنل خراج نمبر (این ٹی این) ارے او ای بڈنگ نا عمل کن درخواست تننگ کیک انتئے کہ این ایچ اے ہراسٹ ءِ دا عمل اٹ اوار کننگ نا آسراتی فراوان کننگ ءِ۔ اونا پاننگ ئس کہ این ایچ اے نا ٹیمک اسلام آباد چیمبرآف کامرس اینڈ انڈسٹریز نا دورہ ءِ کننگ ءُ تانکہ دا وخت انا بارواٹی آگاہی ودی و بشخ ہلنگ نا است بڈی ءِ کننگ مرے۔ ترجمان پارے کہ ٹول پلازہ اہم قومی شاہراہ تیا چندی ہند آتیا تالان ءُ ہرافتے ٹی این 5، این 55 و ایم 8 اوار ءُ ہرا قاضی احمد، گھوٹکی، لاہور و لاڑکانہ کون آ شار تیٹی اہم ٹول پلازہ ءُ۔ این ایچ اے اول فروری 2025 اٹی داموقع کن اشتہار شائع کریسس ، است خواہی تخوک آ پارٹی تے آخیریکو تاریخ اسکان ای۔بڈنگ نا پلیٹ فارم نا کمک اٹ تینا بولی تے جمع کرفوئی مریک۔
