اسلام آباد۔2مارچ (اے پی پی): کمپٹیشن کمیشن ءِ ہیڈ آفس ءِ ماڑی ءِ بُن ھشت ءِ سر ءَ نائب مزن وزیر ءُ درئی کارانی وزیر سینیٹر محمد اسحاق دار، بنجاھی وزیر ءِ ھزانگ سینیٹر محمد اورنگزیب ءُ بنجاھی وزیر ءِ کانود ءُ انصاف سینیٹر اعظم نظیر تارڑ ءَ کمپٹیشن کمیشن ءِ بنجاہی کارگس ءِ بُن ھشت ایر کن اَنت۔ اے مراگش ءَ پالیسی ساز، بنجاھی سیکرٹری، کاروباری برادری ءِ نمائندگ ءُ سی سی پی ءِ کارندہ ھواریں کلیدی اسٹیک ہولڈر آنی بھر زوری بیت مقابلہ کمیشن ءِ نوکیں ہیڈ کوارٹر یک آرکیٹیکچرل شاہکار ءِ بیت۔ جدید ٹیکنالوجی ءَ گوں لیس اے سمارٹ ءُ محفوظیں ماڑی توانائی ءِ تحفظ ءِ تہا یک مزنیں کردے پیلو کنت ءُ درستیں ملازماں یکیں چھت ءِ چیر ءَ کار کنگ ءِ اجازت دنت۔ اے ماڑی ئے تہا سبزیں دمگ بنت کہ ایشی ئا شہ پیشہ وارانہ ماحول شر بیثغیں ایشی ءَ ابید وتی ماڑی ءِ سبب ءَ کمیشن ءَ ماہانہ کرایہ ءِ ادا کنگ نہ لوٹیت کہ ایشی ءَ چہ کمیشن مالی لحاظ ءَ گیشتر مستحکم بیت۔ مقابلہ کمیشن ءِ نوکیں بنجاہی کارگس ءِ بُن ھشت ایر کنگ ءِ مراگش ءِ ھوالگ ءَ سی سی پی ءِ چیئرمین ڈاکٹر کبیر احمد سدھو ءَ گوشت کہ اے بنجاہی کارگس ایوک ءَ اینٹ ءُ سنگ آنی جوڑ کتگیں ماڑی نہ اِنت بلکیں اے مئے بے مٹیں عزم ءِ علامت اِنت کہ ایشی ءِ تہ ءَ یک مھکم ءُ پائیداریں کارگس ءِ جوڑ کنگ اِنت۔ آؤکیں وھد ءَ ملک ءَ را دیم ءَ برگ ءَ انت۔ مقابلہ کمیشن ءَ گوستگیں سال ءَ کارٹلائزیشن، دست ءُ دپ ءُ گمراہ کنوکیں مارکیٹنگ ءِ سبب ءَ کاروباری ادارگ آنی سر ءَ 275ملین کلدار جرمانہ کتگ ءُ کل ءَ 100ملین کلدار جرمانہ جم کتگ۔ کمیشن ءَ آمید گس آنی تہ ءَ زیر التوا 73 کیس وشیں آسر ءَ سر کتگ اَنت۔ ایشی ءَ ابید سی سی پی ءَ کھاد، رئیل اسٹیٹ، وانگ ءُ زانگ، سرکاری خریداری ءُ دوائی آنی شوبگ آنی تہ ءَ مقابلہ ءِ کانود ءِ ممکنہ خلاف ورزی آنی واستہ 32 شو کاز نوٹس ھم شنگ کتگ انت۔ ایشی ءَ ابید پاکستان ءِ مقابلہ کمیشن ءَ وتی مارکیٹ انٹیلی جنس یونٹ (ایم آئی یو) ھم چالو کتگ کہ آئی ءَ دیمروئی کتگیں تجزیاتی طریقہ کار ءِ کارمرد کنگ ءَ نزیک ءَ 200 مقابلہ ءِ ھلاپیں کارروائی آنی نشاندہی کتگ۔ کمیشن ءَ وتی قانونی ءُ ریگولیٹری فریم ورک ءَ را ھیال ءَ دارگ ءَ کلیدی شوبگ آنی تہ ءَ ھم پٹ ءُ پول کتگ ءُ ایشی ءِ مول ءُ مراد مارکیٹ ءِ دیمروئی ءُ منصفانہ مقابلہ ءَ را گیش کنگ اِنت۔
