اسلام آباد۔3مارچ (اے پی پی): چین ءِ انٹرنیشنل پریس اینڈ کمیونیکیشن سینٹر ءِ ریسرچ فیلو محمد زمیر اسدی ءَ گشتگ کہ چینی پالیسی سازانی ھاسیں سالانہ دیوان ”دو سیشن“ کہ چین ءِ راجی راجی کانگریس ءِ یکجائی دیوان اِنت ءُ چین ءِ راجی سیاسی مشاورت ءِ نیام ءَ چین ءَ۔ دو شمبے ءَ اے پی پی ءِ نیمگ ءَ گوں تران کنان ءَ آئی ءَ گوشت کہ چین ءِ منگنی ءِ درگت ءَ پاکستان بیلٹ ءُ روڈ یچائی ءِ چیر دستی ءَ چین ءِ سرمایہ کاری، توانائی ءُ انفراسٹرکچر ءِ شوبگ ءَ چہ نپ چست کنت کہ سی پی ای سی ءِ دومی بھر ءَ صنعتی دیمروئی ءُ ٹیکنالوجی ءِ ٹرانسفر ءِ سر ءَ گیشتر زور دیگ بوھگ ءَ اِنت۔ ایشی ءَ ابید ڈیجیٹل معیشت، گرین انرجی، ءُ ہائی ٹیک انڈسٹری آنی تہ ءَ کمک ءِ موہ ھم پچ بوھگ ءَ اَنت، ایشی ءَ چہ پاکستان ءِ واستہ نوکیں دیمروئی ءِ موہ رس اِت کن اَنت آئی ءَ گوشت کہ چوش کہ چین وتی مشترکہ وشھالی ءِ وژن ءِ نیمگ ءَ روگ ءَ اِنت، پاکستان ءَ را اے نوکیں اقتصادی موہ آناں چہ مزنیں کساسے ءَ نپ چست کنگ بیت۔ ضمیر اسدی ءَ گوشت کہ چین ءُ پاکستان اقتصادی راہداری ءِ برجاھیں دیمروئی ھاسیں رنگ ءَ ایشی ءِ دومی بھر ءَ مئے دوئیں ملک آنی نیام ءَ اقتصادی کمک ءِ واستہ انقلابی زور ثابت بیت۔ چین ءِ سروکی ءَ پاکستان ءِ گوما اقتصادی سیادی ءَ را گیش کنگ ءِ واستہ وتی مھکمیں جزم ءِ درشان کتگ۔ بیلٹ اینڈ روڈ انیشیٹیو (بی آر آئی) ءِ تہ ءَ کلیدی شریک ءِ بستار ءَ پاکستان ءِ اسٹریٹجک ارزشت ءَ را منگ ءَ سی پیک ءِ دومی بھر ءَ صنعتی کمک، کشت ءُ کشاری، توانائی ءُ بنیاتی ڈھانچگ ءِ سر ءَ دلگوشی دیگ بیت، پاکستان ءَ چینی سرمایہ کاری آرگ بیت ایشی ءَ چہ مئے دوئیں ملک آنی نیام ءَ اقتصادی سیادی ءَ را گیش مھکم کنگ بیت۔ اے پڑ ءَ چینی کمپنی آناں پاکستان ءِ مینوفیکچرنگ ءِ شوبگ ءَ سرمایہ کاری ءِ بازیں موہ رس ایت، ایشی ءَ چہ روزگار ءِ موہ پیداک بیت، ٹیکنالوجی ءِ ٹرانسفر ءَ را گہتر کنگ بیت ءُ صنعتی پیداوار ءَ را گیش کنگ بیت۔ پاکستان ءُ چین ءِ نیام ءَ گیشیں کمک ءَ چہ پاکستان ءَ را زانت، مہارت ءُ تجربگ آنی دیم دیگ ءَ آسراتی رس ایت، ایشی ءَ چہ بنجاہی صنعت آناں مھکم کنگ بیت ءُ جھان ءِ مارکیٹ ءَ پاکستان ءِ بستار مھکم بیت، زمیر اسدی ءَ گیش گوشت کہ ’’دو سیشن‘‘ ءِ دیوان ءِ جوانیں آسر آنی پاکستان ءِ چاگردی ءُ اقتصادی ڈھانچہ ءِ سر ءَ دیریں اثر کپ ایت۔ چین ءِ نیمگ ءَ چہ دمگ ءَ اقتصادی کمک ءِ تہ ءَ گیشی ءِ سبب ءَ پاکستان ءَ را گہتریں رابطہ کاری، مھکمیں تجارتی راہ ءُ در ءُ جھان ءِ مارکیٹ آنی تہ ءَ گہتریں رسائی ءَ چہ فائدگ رسیت۔ اے گہتریں کمک ءَ چہ نا ایوک ءَ وت مہ وتی دیمروئی ءَ را دیم ءَ برگ بیت بلکینگ ءَ خطہ ءِ تہ استحکام ءُ اقتصادی یکوئی ءِ راہ پچ بیت ضمیر اسادی ءَ گوشت کہ سی پیک ءِ تہ ءَ پاکستان ءِ بھر زوری ءُ بیلٹ اینڈ روڈ انیشیٹیو ءِ گیشیں فریم ورک ءَ چہ مئے ملک ءِ واستہ نوکیں اقتصادی موہ پیداک بنت۔ چوناھا چین پاکستان ءَ دراجیں مدتی شریکداری ءُ سرمایہ کاری ءِ ھاترا جزم اِنت، آیوکیں وھد وش گندگ ءَ کیت، ایشی ءِ تہ ءَ تجارتی سیادی ءِ تہ ءَ گیشی، سرمایہ کاری ءِ تہ ءَ گیشی ءُ صنعتی کمک ءِ تہ ءَ گہتری ھوار اِنت۔ دوئیں گند ءُ نند آنی آسر آنی تہ ءَ پاکستان ءِ کرد ءَ را گلوبل سپلائی چین ءِ یک جتائیں بھرے ءِ بستار ءَ مھکم کنگ بیت ءُ سی پیک منصوبگ ءِ ارزشت ءَ را گیش گیش کنگ بیت۔ اسدی ءَ گیش گوشت کہ چین ءِ دوئیں گند ءُ نند پاکستان ءُ چین ءِ سیادی آنی تہ ءَ نوکیں باب ءِ بندات اِنت ایشی ءِ تہ ءَ اقتصادی کمک ءِ تہ ءَ ترندیں کمک، چینی سرمایہ کاری ءِ تہ ءَ گیشی ءُ سی پیک ءِ سرجمیں توانائی ءِ درشان کنگ ھوار اِنت۔ اے کمک ءَ چہ اے گپ ءَ را دل یکیمی کنگ بیت کہ دوئیں ملک دیمروئی کن اَنت ءُ یک دومی ءَ را فائدگ مندیں سیادی ءَ چہ نپ چست کن اَنت کہ ایشی ءِ بنیات ءَ اعتماد، مشترکہ مفاد ءُ پائیدار دیمروئی اِنت۔
