مزن وزیر شہباز شریف ءِ گشگ انت کہ لس مھلوک ءَ را ارزانیں نھاد ءَ وردن ءُ وراک ءِ چیزانی پھجارینگ حکومت ءِ اولی ترجی انت، ذخیرہ کاری ءَ ھواریں عناصر ءِ ھلاپ ءَ سکیں گامگیج زورگ بہ بیت

اسلام آباد۔2مارچ (اے پی پی): مزن وزیر محمد شہباز شریف ءَ رمضان ءِ تہ ءَ شکر ءُ ایندگر وردن ءِ چیز آنی سپلائی ءِ واستہ حکمت عملی جوڑ کنگ ءِ ہدایت کتگ، شکر ءِ نرخ آنی سر ءَ کنٹرول کنگ ءِ واستہ سکیں گامگیج چست کنگ ءُ ہورڈنگ ءِ تہ ءَ ہواریں عناصر آنی ھلاپ ءَ سکیں گامگیج زورگ ءِ ہدایت کتگ۔ مزن وزیر کارگس ءِ میڈیا ونگ ءِ نیمگ ءَ یک شمبے ءِ روچ ءَ جاڑی بوتگیں بیان ءِ تہ ءَ مزن وزیر محمد شہباز شریف ءِ سروکی ءَ ملک ءَ شکر ءِ سپلائی ءُ نرخ آنی کنٹرول ءِ ھوالگ ءَ دیوان برجم دارگ بوتگ۔ اے موہ ءِ سر ءَ مزن وزیر ءَ گوشت کہ گوستگیں ماھ آنی تہ ءَ حکومت ءَ شکر ءِ اسمگلنگ ءِ ھلاپ ءَ سکیں سدکیں گامگیج کتگ ایشی ءَ چہ شکر ءِ اسمگلنگ ءِ ھلاسی ءَ بنجاھی ءُ صوبائی حکومت یکجائی ءَ کار کنگ لوٹ ایت تانکہ عام مردم ءَ را ارزانیں نرخ ءَ وردن ءُ وراک ءِ پجاری دل یکیمی کنگ بہ بیت۔ آئی ءَ گوشت کہ محرم ءِ مقدس ماہ ءِ تہ ءَ شکر ءُ ایندگر المی ئیں سامان آنی نرخ آنی سر ءَ کنٹرول کنگ ءِ تہ ءَ ھچ وڑیں لاپروائی برداشت کنگ نہ بیت۔ بریفنگ ءَ اے ھم گوشت کہ شکر قاچاق ءِ سرجمی ءَ ھلاس کنگ ءِ ھاترا مھکمیں گامگیج چست کنگ بنت ءُ قاچاق کنوک آنی ھلاپ ءَ سکیں گامگیج چست کنگ بیت دیوان ءَ بریفنگ ءِ تہ ءَ گوشت کہ ناجائزیں شکر ءِ ذخیرہ کنگ ءِ ھلاپ ءَ کارروائی کنگ بیت ءَ ضلعی انتظامیہ ءَ ایشی ءِ ھوالگ ءَ دلگوشی ءَ گوں کار کنگ بیت۔ گند ءُ نند ءِ تہ ءَ نائب مزن وزیر ءُ درئی کارانی وزیر سینیٹر اسحاق دار، منصوبگ بندی ءِ بنجاھی وزیر احسن اقبال، اقتصادی امور ءِ بنجاھی وزیر احد خان چیما، صنعت ءُ پیداوار ءُ راجی فوڈ سیکیورٹی ءِ بنجاھی وزیر رانا تنویر حسین، بنجاھی وزیر ءِ سیادی داروکیں حکومت ءِ سینئر افسر ءُ بنجاھی وزیر علی پرویز ملک ءَ شریک بوتگ۔ چاریں صوبہ آنی چیف سیکرٹری ویڈیو لنک ءِ وسیلگ ءَ گند ءُ نند ءَ ساڑی اتنت۔