اسلام آباد-28 (اے پی پی): جمعہ ءِ روچ ءَ آذربائیجان ءِ درئی کارانی وزیر جیہون بیراموف ءَ گوں نائب مزن وزیر ءُ درئی کارانی وزیر سینیٹر محمد اسحاق ڈار ءَ ٹیلی فون ءِ سر ءَ گپ ءُ تران کت۔ وزارت ءِ درئی کار ءِ رد ءَ نائب مزن وزیر سینیٹر محمد اسحاق ڈار ءَ پاکستان ءِ مزن وزیر ءِ گوستگیں آذربائیجان ءِ تر ءُ تاب ءِ ساھت ءَ رستگیں گرمائش ءِ سر ءَ منت واری ءِ درشانی کت۔ دوئیں بامرد آں بیپار ءُ سرمایہ کاری ءِ ھوالگ ءَ تر ءُ تاب ءِ ساھت ءَ کتگیں پیسلہ آنی سر ءَ عملدرآمد ءَ را ترند کنگ ءِ واستہ یکجائی ءَ کار کنگ ءِ سر ءَ تپاک کت۔
