اسلام آباد۔28فروری (اے پی پی): مزن وزیر محمد شہباز شریف ءَ گوشت کہ کاروباری براتی ءُ صنعت کار ملک ءِ معیشت ءِ ریڑھ ءِ ھڈ اَنت ءُ آوانی دیم ءَ اوشتاتگیں جیڈھ آناں گیواری مئے اولی ترجی اِنت ھاسیں سرمایہ کاری ءِ آسراتی کونسل ءِ وسیلگ ءَ یک آسان ءُ آسانیں پلیٹ فارم ءِ چیر دستی ءَ کاروباری برادری آناں پجارینگ بوتگ۔ k فیڈرل بورڈ آف ریونیو ءِ ڈیجیٹلائزیشن ءِ ھوالگ ءَ سرجم بوتگ گوستگیں یک سال ءِ تہ ءَ ملک ءَ درملکی براہ راست سرمایہ کاری ءِ ھوالگ ءَ جیڈھ آنی تہ ءَ ترندی ءَ گوں دیمروئی بوتگ برآمدات ءِ وسیلگ ءَ ملک ءِ دیمروئی ءِ شرح ءَ را گیش کنگ جوانیں راہ اِنت۔ جمعہ ءِ روچ ءَ مزن وزیر کارگس ءِ پریس ونگ ءِ نیمگ ءَ چہ جاڑی بوتگیں بیان ءِ رد ءَ ملک ءِ نامداریں صنعت کار ءُ کاروباری مردم آنی ڈل ءَ مزن وزیر گس ءَ مزن وزیر محمد شہباز شریف ءَ گوں گند ءُ نند کنان ءَ مزن وزیر ءَ گوشت کہ حکومت ءَ کاروبار ءِ دیمروئی ءِ سر ءَ کار کنگ ءَ انت۔ ملک ءِ معیشت ءِ ریڑھ ءِ ہڈ انت ءُ آہانی دیم ءَ اتکگیں جیڈھ آنی گیواری مئے اولی ترجی انت۔ آئی ءَ گوشت کہ حکومت ملک ءَ کاروباری ءُ سرمایہ کار دوستیں پالیشی آناں پجاری ءِ واستہ کوشست کنگ ءَ انت ۔ آئی ءَ گیش گوشت کہ ھاسیں سرمایہ کاری آسراتی کونسل ءِ وسیلگ ءَ سرمایہ کار ءُ کاروباری برات آناں یک آسان ءُ آسانیں پلیٹ فارم پجاری کنگ بوتگ کہ اودا یک ونڈو آپریشن ءِ چیر دستی ءَ آسراتی پجاری کنگ بوھگ ءَ انت۔ آئی ءَ گوشت کہ فیڈرل بورڈ آف ریونیو ءِ ڈیجیٹلائزیشن ءِ ھوالگ ءَ مزنیں کارے سرجم کنگ بوتگ، ءُ بے دیمیں کسٹم ءِ جائزہ ءِ نظام ءِ وسیلگ ءَ شفافیت ءَ را دیمروئی دیگ بوتگ۔ مزن وزیر ءَ گوشت کہ حکومت ءِ اقتصادی ٹیم ءِ کوشست آنی سبب ءَ ملک ءِ میکرو اکنامک جاور ھال آنی تہ ءَ مزنیں گہتری اتکگ، البت مارا مائیکرو اکنامک تک ءَ گہتری آرگ ءِ واستہ گیش محنت کنگی اِنت تانکہ اقتصادی گہتری ءِ میوہ الس ءَ را سر بہ بنت۔ ملک ءَ گوستگیں سال ءِ تہ ءَ تیزی ءَ گوں دیمروئی کتگ۔ آئی ءَ گیش گوشت کہ درملکی براہ راست سرمایہ کاری ءِ ھوالگ ءَ حکومت ءِ اولیت انچیں شوبگ اَنت کہ ایشی ءِ تہ ءَ سرمایہ کاری ءَ چہ ملک ءِ برآمدات ءَ را گیش کنگ بوت کنت آذربائیجان ءُ ازبکستان ءِ تر ءُ تاب ءِ ساھت ءَ پاکستان ءَ بازیں سرمایہ کاری ءِ معاہدہ کنگ بوتگ کہ ایشی ءَ چہ درملکی سرمایہ کار آنی پاکستان ءِ سر ءَ اعتماد ءِ درشان اِنت۔ مزن وزیر ءَ گوشت کہ ملک ئِ شری ءَ را گیش کنگ ئِ جوانیں راہ ءَ برآمد ئِ وسیلگ اِنت۔ مزن وزیر ءَ ملکی نمدی ءِ شرح ءَ برجمیں گہتری ءِ ھوالگ ءَ کاروباری مردم ءُ صنعت کار آنی نیمگ ءَ چہ پنت ءُ شون لوٹ اتگ۔ مزن وزیر ءَ اے درگت ءَ کاروباری مردم، صنعت کار، ءُ سرکاری وزیر آنی سر ءَ ھواریں کمیٹی ءِ جوڑ کنگ ءِ ھم ہدایت کتگ۔ اے کمیٹی دو ہفتگ ءِ اندر ءَ پائیدار دیمروئی ءِ شرح ءِ ھاترا حکومت ءَ را سفارش کنت۔ ڈل ءَ حکومت ءِ اقتصادی پالیشی ءُ اقتصادی اشارہ آنی تہ ءَ گہتری ءِ توسیپ کت۔ شریکیں مردماں فیڈرل بورڈ آف ریونیو ءُ ایندگر سرکاری ادارگ آنی نیمگ ءَ چہ قاچاق ءِ گر ءُ دار ءِ واستہ کتگیں موثر گامگیج آناں ساڑات۔ ڈل ءَ کسٹم اسیسمنٹ سسٹم ءِ بندات کنگ ءِ سر ءَ حکومت ءِ ھم ساڑات۔ گند ءُ نند ءَ حکومت ءِ نجکاری ءُ ڈیریگولیشن پالیشی ءِ ساڑات کت ایشی ءِ تہ ءَ منصوبہ بندی ءِ بنجاھی وزیر احسن اقبال ، بنجاھی وزیر صنعت و پیداوار رانا تنویر حسین ، بنجاھی وزیر اقتصادی امور احد خان چیمہ ، بنجاھی وزیر خزانہ و محصولات محمد اورنگزیب ، بنجاھی وزیر علی پرویز ملک ، وزیراعظم کے کوآرڈینیٹر رانا احسان افضل ءُ سیادی داروکیں کارندہ ساڑی اتنت۔
