اسلام آباد۔28فروری (اے پی پی): سینیٹ ءِ چیئرمین سید یوسف رضا گیلانی ءَ دارالعلوم حقانیہ اکوڑہ خٹک ءَ بوتگیں تراک ءَ را سک باز مذمت کتگ ءُ جے یو آئی ایس ءِ راہشون مولانا حمید الحق حقانی ءِ شہیدی ءِ سر ءَ دلپدردی ءِ درشانی کتگ۔ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ آئی ءَ گوشت کہ یک جوانیں، ایماندار ءُ دلپھکیں مردمے بوتگ آئی ءِ ازمت مدام یات کنگ بنت۔ سینیٹ ءِ چیئرمین ءَ گوشت کہ اے غم ءِ ساھت ءَ آ غم ءِ آماچیں مردمانی غم ءَ شریک آں، اے زھرناکیں ءُ بزدلیں ناشرکاری اُرش ءَ ھواریں عناصر ملک ءُ راج ءِ دژمن اَنت کہ آ بے گناہیں شہری آنی جان ءَ گوں گوازی کنان ءَ ملک ءَ ناامنی ءِ شنگ کنگ ءِ بے سوبیں کوشست ءَ کنگ ءَ اَنت۔ سینیٹ ءِ چیئرمین ءَ گوشت کہ اے رنگیں زالمیں ناشرکار آناں ھچ وڑیں مذھب نیست، ملک ءَ امن ءُ ایمنی ءِ واستہ ایشانی ھلاپ ءَ سکیں سکیں کارروائی کنگ بیت۔ سینیٹ ءِ چیئرمین ءَ تراک ءِ تہ ءَ ٹپی بوتگیں مردمانی زوت جان سلامتی ءِ دعا کت سینیٹ ءِ چیئرمین ءَ گوشت کہ کانود ءِ نفاذ ءِ ادارگ آناں اے ناشرکاری وئیل ءَ ھواریں ناشرکاریں عناصر آناں آہنی دست ءَ گوں گر ءُ دار کنگ ءِ واستہ درستیں وسیلگ آناں کارمرد کنگی اِنت۔
