اسلام آباد۔28فروری (اے پی پی): بنجاھی وزیر خزانہ ءُ آمدنی سینیٹر محمد اورنگزیب ءَ گوشت کہ حکومت کاروبار دوستیں چاگرد ءِ دیمروئی ءُ درملکی سرمایہ کاری ءِ واستہ جوانیں جاور ءُ آسراتی پجارینگ ءِ واستہ جزم انت آئی ءَ اے گپ جمعہ ءِ روچ ءَ پورٹچی ءِ مزن تک ءِ ڈل ءَ گوں گند ءُ نند کنان ءَ گوشت۔ ڈل ءِ سروکی ءَ ہچیسن پورٹس ءِ میاں اوستمانی ءُ افریقہ ڈویژن ءِ منیجنگ ڈائریکٹر اینڈی سوی، جنوبی ایشیا پاکستان ٹرمینل ءِ سی ای او چانگسو کم، کراچی انٹرنیشنل کنٹینر ٹرمینل ءِ سی ای او نوید قریشی ءُ ہچیسن پورٹس او دی پاکستان ءِ حکومت ءِ سروک آمو تیمور خان آفریدی ہم ھوار اتنت۔ ڈل ءَ وزیر ءِ ھزانگ ءَ را ہچیسن پورٹس ءِ پاکستان ءَ 25سالی ھستی ءِ ھوالگ ءَ سرپد کت ءُ سرپد کت کہ کمپنی ءَ ایچ پی کی سی ٹی ءُ ایچ پی ایس اے پی ٹی ءِ دو مزنیں ٹرمینل سوبمندیں رنگ ءَ چلائینتگ انت۔ اے وھد ءِ تہ ءَ ہچیسن پورٹس ءَ راجی خزانہ ءَ 225ارب کلدار ءَ چہ گیش کمک کتگ ءُ نزیک ءَ 5ہزار مردم آناں روزگار داتگ۔ ہچیسن پورٹس ءِ نمائندگاں وتی آیوکیں سرمایہ کاری منصوبہ ءِ بابت ءَ ہم سرجم پیش کتگ کہ ایشی ءِ رد ءَ کمپنی پاکستان ءَ یک ارب ڈالر ءِ سرمایہ کاری کنت۔ اے سرمایہ کاری ءِ تہ ءَ استیں ٹرمینل آناں نوکیں رنگ ءَ جوڑ کنگ، آپریشنل گنجائش ءَ را گیش کنگ، رسد ءِ یکجا کنگ ءُ آٹومیشن ءَ را گیش کنگ ءِ سر ءَ دلگوشی دیگ بیت۔ اے منصوبہ ءِ تہا انفراسٹرکچر ءِ دیمروئی، کارگو ءِ موثر نقل و حرکت ءِ ھاتر ءَ سڑک ءِ گہتری، ایچ پی کے آئی سی ٹی ءَ را نوکیں آٹومیٹک ٹرمینل ءِ تہا بدل کنگ ءُ تجارتی رابطہ آناں دیمروئی دیگ ءِ ھاتر ءَ 52 ہیکٹر ءِ رسد پارک ءِ جوڑ کنگ ھوار انت۔ آٹومیشن اپ گریڈ ءِ تہ ءَ ریموٹ کرین، آٹومیٹک آر ٹی جی، الیکٹرک ٹرک، ءُ ڈیجیٹل گیٹ آپریشن ءِ دیم ءَ آرگ ھوار بیت۔ ایشی ءَ ابید بندرگاہ ءِ کارروائی، انتظامی ءُ مصنوعی ذہانت ءِ پڑ ءَ ھم تربیتی پروگرام بندات کنگ بنت۔ ڈل ءَ امیت کت کہ اے سرمایہ کاری ءَ چہ آیوکیں 25سال آنی تہ ءَ راجی خزانہ ءَ را رائلٹی، کرایہ ءُ ٹیکس ءِ رنگ ءَ کم چہ کم 4ارب ڈالر ءِ آمدنی پیداک بیت وزیر ءِ ھزانگ ءَ پاکستان ءَ سرمایہ کاری ءُ تجارتی کاروائی آناں دیمروئی دیگ ءِ واستہ ہچیسن پورٹس ءِ عزم ءِ توسیپ کت۔ آئی ءَ دل یکیمی دات کہ حکومت کاروبار دوستیں چاگرد ءِ دیمروئی ءُ درملکی سرمایہ کاری ءِ واستہ سازگاریں جاور پجاری ءِ واستہ جزمیگ انت۔ آئی ءَ حکومت ءِ نیمگ ءَ چہ اسٹریٹجک سرمایہ کاری ءِ سرجمیں کمک ءِ دل یکیمی دات کہ اقتصادی دیمروئی ءُ بنیاتی ڈھانچہ ءِ گہتری ءِ کمک ءَ کنت۔
