اسلام آباد۔28فروری (اے پی پی): بنجاھی وزیر برائے میری ٹائم قیصر احمد شیخ ءَ گوشت کہ پاکستان ءَ میری ٹائم ءِ شوبگ اقتصادی دیمروئی ءِ واستہ کلیدی ارزشت ءِ واھند اِنت آئی ءَ اے گپ ءِ سر ءَ زور پر دات کہ سمندری تجارت ءِ دیمروئی ءِ واستہ پائیدار اقتصادی دیمروئی ءِ واستہ المی اِنت۔ جمعہ ءِ روچ ءَ برجم داشتگیں راجی میری ٹائم پالیسی ورکشاپ ءَ گوں گشتانک دیان ءَ بنجاھی وزیر ءَ گوشت کہ کراچی پورٹ ٹرسٹ (کے پی ٹی)، پورٹ قاسم ءُ ایندگر بندرگاہ آنی تہ ءَ سک باز ہنرمندیں ٹیم ءِ است انت ایش میری ٹائم معیشت ءَ را گیش مھکم کنگ ءِ واستہ کار کنگ ءَ انت۔ آئی ءَ امیت سہرا کت کہ آیوکیں وھد ءَ میری ٹائم سیکٹر ءَ پاکستان ءِ اقتصادی دیمروئی ءِ تہ ھاسیں کرد پیلو کنت، میری ٹائم امور ءِ وزیر ءَ گوشت کہ گوستگیں سال ءَ میری ٹائم سیکٹر ءَ ارباں کلدار تاوان بوتگ، بلے اے سال ءَ 100 ارب کلدار منافع ءِ ٹارگٹ ایر کنگ بوتگ، ایشی ءِ سرجمی ءِ مھکمیں امیت است انت۔ آئی ءَ گیش گوشت کہ 32ارب کلدار ءِ برآمداتی ٹارگٹ ءَ را چار سال ءِ تہ ءَ 60ارب ڈالر ءَ سر کنگ ءِ منصوبگ بندی کنگ بوتگ آئی ءَ اے گپ ءِ نیمگ ءَ دلگوش گور کت کہ پاکستانی بندرگاہ وتی گنجائش ءَ چہ 50درسد کم کار کنگ ءَ اَنت اگاں چہ آھانی تہ ءَ بے کساسیں گنجائش ھست اگاں آؤکیں سال آنی تہ ءَ برآمدات ءِ کساس 90ارب ڈالر ءِ تہ ءَ گیشی ءِ گمان اِنت۔ میان اُستمانی ملک گوں تیزی ءَ دیمروئی کنگ ءَ اَنت بلے آہانی وتی بندر نیست پمیشکہ آ پاکستانی بندر ءِ سرا وابستہ اَنت۔ آئی ءَ گوشت کہ مزن وزیر شہباز شریف اے درگت ءَ گیش موہ آناں شوھازگ ءِ واستہ میاں اوستمانی ملک آنی تر ءُ تاب ءَ کنگ ءَ اِنت آئی ءَ گیش گوشت کہ نوں پاکستانی بندرگاہ آنی تہ ءَ مزنیں جہاز آنی واستہ گیش جاگہ جوڑ کنگ بوھگ ءَ اِنت ءُ آیوکیں وھد ءَ چارکنٹینر ءِ بدل ءَ وزیر ءِ جہاز آنی دیم ءَ برگ ءِ گنجائش 20000 ءَ چہ گیش بیت۔ s ءُ سرمایہ کار پاکستان ءِ تہا دلچسپی ءِ درشان کنگ ءَ انت۔ آئی ءَ اے گپ ءِ سر ءَ زور پر دات کہ بازیں ملک وتی جی ڈی پی ءِ 40درسد ءَ را میری ٹائم سیکٹر ءَ چہ زورگ ءَ اَنت وھدیکہ سرجمیں دگنیا ءَ جی ڈی پی ءِ 7درسد میری ٹائم انڈسٹری ءَ گوں بندوک اِنت۔ پاکستان اے شوبگ ءَ چہ وتی جی ڈی پی ءِ 5درسد ھم کمائی کت کنت قیصر احمد شیخ ءَ گوشت کہ پاکستان ءَ ماہی گیری ءِ برآمد 400ملین ڈالر اِنت وھدیکہ اے شوبگ ءَ مئے ھمساھگیں ملک مارا چہ باز دیم ءَ اَنت۔ آئی ءَ انکشاف کت کہ پاکستان ءَ ماہی گیری ءِ شوبگ ءَ سرجمیں دگنیا ءِ کمپنی آنی واھشت مند انت۔ آئی ءَ گوشت کہ کورنگی فش ہاربر ءَ را گیش گہتر کنگ ءِ واستہ گامگیج کنگ بوھگ ءَ انت ءُ نوکیں ایکشن ہال جوڑ کنگ ءِ واستہ ھم سرمایہ کاری کنگ بوھگ ءَ انت بنجاھی وزیر ءَ جار جتگ کہ حکومت ءَ پیسلہ کتگ کہ سرکاری درآمد ءُ برآمد ءِ تہ ءَ 60درسد گوادر بندرگاہ ءِ وسیلگ ءَ بیت۔ آئی ءَ اے گپ ءِ سر ءَ زور پر دات کہ گوادر بندر ءَ را جدید ءُ سرجمیں بندرگاہ ءِ تہ ءَ بدل کنگ ءِ واستہ جھان ءِ تک ءِ آسراتی آں گوں لٹ ءُ پُل کنگ بیت قیصر احمد شیخ ءَ گوشت کہ اے ورکشاپ میری ٹائم سیکٹر ءِ دیمروئی ءُ کاروباری دیمروئی ءِ تہ ءَ ھاسیں کرد پیلو کنت۔ آئی ءَ اے شوبگ ءِ دیمروئی ءِ واستہ حکومتی کوشست آنی ذکر کت ءُ گوشت کہ سیادی داروکیں کمیٹی ءُ ٹاسک فورس میری ٹائم پالیشی ءِ سر ءَ ھاسیں دلگوشی دیگ ءَ انت وتی گشتانک ءِ گڈ ءَ آئی ءَ دل یکیمی دات کہ آیوکیں وھد ءَ پاکستان ءِ میری ٹائم صنعت ملک ءِ معیشت ءَ را استحکام ءِ واستہ یک ھاسیں سنگ ءِ رنگ ءَ ثابت بیت۔
