پاکستان ءُ چین ءِ نیام ءَ خلائی شوبگ ءَ کمک یک ھاسیں سنگ میل ءِ اِنت، حکومت خلائی پٹ ءُ پولی شوبگ ءِ دیمروئی ءِ سر ءَ دلگوشی دیگ ءَ اِنت، عطا اللہ تارڑ

اسلام آباد۔28فروری  (اے پی پی): بنجاھی وزیر ءِ اھوالکاری، شنگکاری، راجی ورثہ ءُ دود ءُ ربیدگ عطا اللہ تارڑ  ءَ پاکستان ءُ چین ءِ نیام ءَ خلائی شوبگ ءِ تہ ءَ کمک ءَ را یک ھاسیں سنگ میل لیک اِتگ ءُ گوشت کہ مزن وزیر شہباز شریف ءِ سروکی ءَ حکومت خلائی پٹ ءُ پول ءِ شوبگ ءِ دیمروئی ءِ سر ءَ دلگوشی دیگ ءَ اِنت۔ آئی ءَ  اے گپ جمعہ ئِ روچ ءَ  مزن وزیر گس ءَ  پاکستان ءُ  چین ئِ نیام ءَ  خلائی پٹ ءُ  پول ئِ تہ ءَ  کمک ئِ ھوالگ ءَ  یک منوگری ئِ کاگد آنی مُراگش ءَ  گوں تران کنان ءَ  تران کنان ءَ  گوشت اَنت۔ بنجاھی وزیر ءِ اھوالکاری ءَ گوشت کہ پاکستان ءِ اولی انسان سادیں خلائی مشن ءِ ھوالگ ءَ چینی خلائی ادارگ ءُ  سوپرکو ءِ نیام ءَ بوتگیں معاہدہ یک ھاسیں میل ءِ اِنت ایشی ءِ واستہ چینی حکومت منت وار اِنت۔ آئی ءَ گوشت کہ مزن وزیر ءِ ویژن ءِ رژن ءَ سپارکو ءِ گامگیج ستا کرز انت۔ بنجاھی وزیر ءَ گوشت کہ خلائی شوبگ ءَ پاکستان ءُ  چین ءِ نیام ءَ کمک فخر ءِ گپ اِنت، خلائی پٹ ءُ  پول ءِ تہ ءَ کمک ءِ وسیلگ ءَ چینی خلاباز پاکستانی خلاباز آناں تربیت ءِ پجارینگ ءَ انت۔ انشاءاللہ یک سالے ءِ تہا پاکستانی خلاباز چینی خلائی اسٹیشن ءَ تر ءُ تاب کن انت۔ آئی ءَ گوشت کہ مزن وزیر شہباز شریف ءِ سروکی ءَ حکومت خلائی ریسرچ ءِ شوبگ ءِ دیمروئی ءِ سر ءَ دلگوشی دیگ ءَ انت۔ انشاءاللہ پاکستان ءِ سبزیں ہلال ءِ پرچم ھم خلاء ءَ روت اے یک مزنیں سوبمندی یے کہ ایشی ءِ ھاتر ءَ ما وتی چینی سنگتانی منت وار ایں ۔