اسلام آباد۔28فروری (اے پی پی): راجی اسمبلی ءِ اسپیکر سردار ایاز صادق ءَ ہنگری ءِ تر ءُ تاب ءِ وھد ءَ ہنگری ءِ صدر تماس سلیوک ءَ گوں گند ءُ نند کت، ایشی ءِ ساھت ءَ وت مہ وتی دلچسپی ءِ جیڈھ آنی سر ءَ گپ ءُ تران کنگ بوت۔ ہنگری ءِ صدر ءَ پاکستان ءِ دری پالیشی ءِ توسیپ کتگ ۔ راجی اسمبلی ءِ اسپیکر سردار ایاز صادق ءَ ہنگری ءِ صدر تمس سلیجو ءَ گوں گند ءُ نند ءِ ساھت ءَ گوشت کہ پاکستان وتی اصولی ءُ غیر جانبداریں درئی پالیشی ءِ سر ءَ جزم اِنت اسپیکر سردار ایاز صادق پارلیمانی ڈل ءِ گوما ہنگری ءِ تر ءُ تاب ءَ انت۔ اے تر ءُ تاب ءِ مول ءُ مراد دوئیں ملک آنی نیام ءَ دو نیمگی سیادی آناں مھکم کنگ ءُ پارلیمانی سیادی آناں دیمروئی دیگ اِنت۔ گند ءُ نند ءِ ساھت ءَ راجی اسمبلی ءِ اسپیکر سردار ایاز صادق ءَ اقوام متحدہ ءِ سلامتی کونسل ءِ گچین کاری آنی تہ ءَ پاکستان ءِ کمک ءِ سر ءَ ہنگری ءِ منت گپت ءُ اے کمک ءَ را ہنگری ءِ نیمگ ءَ پاکستان ءِ غیر جانبدار ءُ متوازن دری پالیشی ءِ منگ ءِ نام دات۔ آئی ءَ گیش گوشت کہ سلامتی کونسل ءِ گچین کاری آنی تہ ءَ پاکستان ءِ واستہ ہنگری ءِ کمک دوئیں ملک آنی نیام ءَ مھکمیں دو نیمگی سیادی آنی درشان اِنت آئی ءَ جھان ءِ کار آنی ھوالگ ءَ ہنگری ءِ آزاتیں موقف ساڑاتگ۔ آئی ءَ راجی مفاد آنی رکھینگ ءِ تہ ءَ ہنگری ءِ سروکی ءِ زانت ءِ توسیپ کت ءُ صدر تاماس سولیجو ءِ غیر جانبداریں موقف ءِ توسیپ کت۔ آئی ءَ گوشت کہ ہنگری ءِ غیر جانبداریں موقف جھان ءِ جیڈھ آناں گر ءُ دار ءُ امن ءُ ایمنی ءَ را دل یکیمی کنگ ءِ تہ کلیدی اِنت، اسپیکر سردار ایاز صادق ءَ اوگانستان ءِ دیریں جیڈھ ءِ نیمگ ءَ دلگوش گور کت ءُ گوشت کہ گوستگیں چار دہائی آنی تہ ءَ پاکستان ءَ اوگانستان ءِ جیڈھ آنی میزبانی کنگ ءَ اِنت۔ . آئی ءَ میاں اوستمانی پارلیمانی براتی ءِ ذمہ واری ءِ سر ءَ زور پر دات کہ آ کشمیری ءُ فلسطین ءِ اُلس ءِ واھشت آنی رد ءَ کشمیر ءُ فلسطین ءِ جیڈھ آناں ایمنی ءِ گیواری ءِ تہ ءَ کرد پیلو بہ کنت۔ دوئیں رہشوناں یوکرین ءِ جنگ ءَ پد یورپ ءِ جاور ھال آنی سر ءَ ھم تران کت ءُ جھان ءِ امن ءُ ایمنی ءِ واستہ یوکرین ءِ جنگ ءِ زوتیں پرامن گیواری ءِ واھشت ءِ درشان کت راجی اسمبلی ءِ اسپیکر ءَ پاکستانی نودربر آناں سالانہ 500 اسکالرشپ ءِ پجارینگ ءِ گامگیج ءِ توسیپ کت۔ آئی ءَ گوشت کہ اے وھد ءَ 1500 ءَ چہ گیش پاکستانی نودربر ہنگری ءِ جتاجتائیں یونیورسٹی آنی تہ ءَ ہائیر ایجوکیشن کنگ ءَ اَنت ایشی ءِ سبب ءَ دو نیمگی سیادی ءُ مردم آنی نیام ءَ رابطہ گیش مھکم بوھگ ءَ اَنت۔ آئی ءَ ہنگری ءِ گوما شریکداری ءَ را گیش وسعت دیگ ءِ وتی عزم ءِ درشان کت ءُ دوئیں ملک آنی نیام ءَ وت مہ وتی وشھالی ءُ دمگی استحکام ءِ واستہ جتا جتائیں پڑ آنی تہ ءَ کمک ءَ را گیش دیمروئی دیگ ءِ واھشت ءِ درشان کت اسپیکر سردار ایاز صادق ءَ ہنگری ءِ ملک ءَ را یورپ ءَ گوں ھوار بوھگ ءِ پیسلہ ءِ توسیپ کت۔ آئی ءَ جھان ءِ وشھالی ءِ واستہ رابطہ کاری ءِ ارزشت ءِ سر ءَ زور پر دات ءُ پاکستان ءِ اسٹریٹجک کرد ءِ سر ءَ زور پر دات ھاسیں رنگ ءَ گوادر بندرگاہ ءِ ارزشت ءِ سر ءَ زور دات کہ یورپ، چین ءُ میاں اوستمانی ایشیا ءِ نیام ءَ یک کلیدی تجارتی راہ ءِ پھجارینگ ءَ اِنت۔ آئی ءَ دوئیں ملک آنی نیام ءَ اقتصادی کمک ءَ را گیش کنگ ءِ واستہ تجارت، بنیاتی ڈھانچگ ءِ دیمروئی ءُ سرمایہ کاری ءِ دیمروئی ءِ سر ءَ ھم زور پر دات۔ ایشی ءَ ابید آئی ءَ پاکستان ءِ جمہوری ءُ اقتصادی دیمروئی ءِ منگ ءِ سر ءَ ہنگری ءِ توسیپ کت ءُ کشت ءُ کشاری، بنیاتی ڈھانچہ، ریلوے ءُ آپ ءِ رکھینگ ءِ پڑ ءَ کمک ءِ مزنیں گنجائش ءِ سر ءَ چمشانک دات۔ صدر تمس سولوک ءَ جھان ءِ معاملہانی ھوالگ ءَ پاکستان ءِ اصولی موقف ءُ دری پالیشی ءِ توسیپ کت ءُ گوشت کہ پاکستان وتی اصولی ءُ غیر جانبداریں موقف ءِ سر ءَ سمجھوتہ نہ کنت۔ آئی ءَ اے گپ ءِ سر ءَ زور پر دات کہ جنگ ءُ جیڈھ ءَ چہ دگنیا ءَ را رکّینگ ءِ واستہ غیر جانبداری کلید اِنت۔ صدر مملکت ءَ کشت ءُ کشاری، بنیاتی ڈھانچگ ءِ دیمروئی، ریلوے ءِ دیمروئی، ءُ آپ ءِ رکھینگ ءِ وڑیں کلیدی شوبگ آنی تہ ءَ دو نیمگی کمک ءَ را گیش کنگ ءِ ارزشت ءِ سر ءَ ھم زور پر دات۔ آئی ءَ پاکستان ءَ جمہوری ادارگ ئِ مھکم کنگ ءُ اقتصادی گہتری ئِ انوگیں گامگیج آنی سر ءَ دل یکیمی ئِ درشان کت۔
