پشاور۔ 28 فروری (اے پی پی): نوشہرہ ءِ مدرسہ حقانیہ اکوڑہ خٹک ءَ بوتگیں المی ئیں تراک ءَ پد ڈپٹی کمشنر پشاور سرمد سلیم اکرم ءَ سرجمیں سرکاری ءُ نجی نادراھجاھ آنی تہ ءَ ایمرجنسی ءِ جار جتگ۔ ضلعی انتظامیہ ءِ نیمگ ءَ چہ جاڑی بوتگیں بیان ءِ رد ءَ لیڈی ریڈنگ ہسپتال، خیبر ٹیچنگ ہسپتال ءُ حیات آباد میڈیکل کمپلیکس ءَ ایمرجنسی میڈیکل آسراتی ءِ آرڈر داتگ۔ دراہیں اسپتالاں ہدایت کنگ بوتگ کہ ٹپیگاں زوت علاج ءُ درمان ءِ آسراتی پجارینگ بہ بیت۔ ضلعی انتظامیہ ءَ آماچیں مردم آناں ہر وڑیں دوا ءُ درمان ءِ کمک کنگ ءِ جزم ءِ درشانی کتگ۔ ہسپتال آنی تہ ءَ ایمرجنسی ءِ نفاذ ءِ واستہ نوٹیفکیشن شنگ کنگ بوتگ وھدیکہ اے درگت ءَ درستیں سیادی داروکیں ادارگ ھم سرپد کنگ بوتگ اَنت۔
