اسلام آباد۔28فروری (اے پی پی): مزن وزیر محمد شہباز شریف ءَ گوشت کہ نوکیں بنجاھی وزیر، وزیر مملکت ءُ مشیر آوانی اہلیت ءُ صلاحیت آنی بنیاد ءَ گچین کنگ بوتگ انت ما درست اللہ تعالیٰ ءُ الس ءِ دیم ءَ احتساب کن آں من باقاعدہ ءُ مدام منی کابینہ ءِ کارکردگی ءِ چار ءُ تپاسی کناں۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی بنجاھی وزیر، وزیر مملکت ءُ مشیر آں گوں ناشتہ ءِ سر ءَ گپ ءُ تران کنان ءَ کت۔ مزن وزیر ءَ بنجاھی کابینہ ءِ نوکیں باسک آنی شرپ ءَ ناشتہ ءِ میزبانی کت۔ آئی ءَ گوشت کہ شما درست وتی توانائی ءُ صلاحیت آنی بنیات ءَ گچین کنگ بوتگ ایں، ما درست اللہ تعالیٰ ءُ الس ءِ دیم ءَ احتساب کن ایں، ما یک سال ءِ تہ ءَ مہنگائی ءِ تہ ءَ مزنیں کساسے ءَ کمی ءِ ھاترا بے تھنائی ءَ کار کن ایں، زرّ ءِ دیم دیگ ءِ تہ ءَ گیشی ءُ اقتصادی سال آنی تہ ءَ گیش ءَ چہ گیش گہتری ءِ اشارہ کن ایں ۔ بنجاھی وزیر آنی کارکردگی ءُ کابینہ ءِ ایندگر باسک آنی بستار ءَ شمئے ھزمت ستا کرز اَنت بنجاھی کابینہ ءِ باسکاں ملک ءِ دیمروئی ءُ السی وشھالی ءِ تہ ءَ فعالیں کرد پیلو کنگ ءِ وتی عزم ءِ پدا زور دات ءُ مزن وزیر ءَ را انوگیں اقتصادی دیمروئی ءِ واستہ شگر ءُ منت گپت۔
