اسلام آباد۔ 28 فروری (اے پی پی) بنجائی وزیر داخلہ محسن نقوی دارالعلوم حقانیہ اکوڑہ خٹک جامع مسجد اٹی دھماکہ نا ترند انگا لوز آتیٹی مذمت ءِ کرے و دھماکہ ٹی مولانا حامد الحق تون اوار ایلو بندغ آتا شہیدی آ ڈکھیائی وا ست ہسونی نا درشانی ءِ کرینے۔ تینا بیان اٹی وزیر داخلہ محسن نقوی مولانا حامد الحق و ایلو شہیدآتا خاہوت آتون دلی ہمدردی و ہڑزخواہی نا درشانی ءِ کرینے۔ وزیرداخلہ محسن نقوی ٹھپی تا زوت دراخ جوڑی کن دعاکرینے۔ وزیرداخلہ محسن نقوی پارے کہ مولانا حامد الحق نا شہیدی آ ڈکھیائی مسنے۔ وزیرداخلہ محسن نقوی مولانا حامد الحق شہید نا دینی خذمت آتے خراج عقیدت پیش کرساپارے کہ مولانا حامد الحق شہید نا پدسلوک آخاہوت و عقیدت مند آتا غم اٹی بریبرنا شریک اُن۔ اوپارے کہ مسیت اٹی دھماکہ نا است ہسون واقعہ نا اخس کہ مذمت ءِ کننگے کم ءِ۔ دشمن ملک اٹی نزوری ودی کننگ نا گندہ سازش کننگ ءِ۔ قوم انا مخ تفی اٹ دشمن نا ہرسازش ءِ بے سہب کینہ۔ اوپارے کہ شہید آتا خاہوت و ٹھپی تتون سلوک اُن۔
