اسلام آباد۔ 28 فروری (اے پی پی) وزیراعظم محمد شہباز شریف دارالعلوم حقانیہ اکوڑہ خٹک اٹی دھماکہ نا ترندی اٹ مذمت ءِ کرساپارینے کہ داوڑنا لغوری و ناپاک دہشت گردی نا کارروائیک دہشت گردی نا برخلاف ننا عزم ءِ شیف شاغنگ کپسہ۔ جمعہ نادے آ وزیراعظم آفس نا پریس ونگ انا کنڈآن جاری بیان نا رداٹ وزیراعظم نا دھماکہ ٹی ٹھپی مروک آ جے یو آئی(س) نا سروک مولانا حامد الحق و ایلوٹھپی مروک آتا دراخ جوڑی کن دعاکرے و ٹھپی تے ہرممکن طبی امداد فراوان کننگ نا پارت کرے۔ وزیراعظم پارے کہ داوڑنا لغوری و ناپاک کارروائیک دہشت گردی نا برخلاف ننا عزم ءِ شیف شاغنگ کپسہ، ملک آن ہروڑنا دہشت گردی نا پورو چٹفنگ کن سنبرینگوک اُن۔ وزیراعظم دھماکہ نا بابت رپورٹ بٹنگا۔

متعلقہ مضامینمصنف کی طرف سے مزید