اسلام آباد۔ 28 فروری (اے پی پی) صدر مملکت آصف علی زرداری دارالعلوم حقانیہ اکوڑہ خٹک نا جامع مسجد اٹی خودکش دھماکہ نا مذمت ءِ کرسا دہشت گرد جلہو اٹی نہادی جونی نسخان تیا ڈکھیائی و است ہسونی نا درشانی ءِ کرینے۔ جمعہ نادے آ ایوان صدر نا پریس ونگ انا رداٹ صدر مملکت خودکش جلہو اٹی نمازی تے شست کننگ نا مکروہ فعل انا ترندی اٹ مذمت ءِ کرے و پارے کہ بے گناہ نمازی تے شست کننگ ناپاک و گندہ ءُ عمل اسے۔ صدر مملکت پارے کہ دہشت گرد آک ملک و قوم و انسانیت نا دشمن ءُ۔ اوواقعہ ٹی زوال کروک آ بندغ آتیکن بخشش نا دعاکرے۔ صدر آصف علی زرداری دہشت گرد جلہو اٹی زوال کروک آ بندغ آتا خاہوت آتون ہڑزخواہی نا درشان و اوفتے کن صبر وجمیل نا دعاکرے۔
