اسلام آباد۔ 28 فروری (اے پی پی) وزیراعظم نا خصوصی کمکار حذیفہ رحمان پارینے کہ بطور خصوصی کمکار کنا گچین کاری وزیراعظم نا کنے آ پت انا درشانی ءِ و داکنکن اسہ عظیم ءُ زمواری اسے۔ جمعہ نادے آ تینا اسہ بیان اسے ٹی اوپارے کہ کنے وزیراعظم پاکستان نا کنڈآن بنجائی کابینہ ٹی اوار کننگ نا اعزاز دوئی مسنے، ہرا وزیراعظم نا کنے آ بے پناہ پت و شفقت نا درشانیءِ۔ ای تینا قائد میاں محمد نواز شریف و وزیراعظم میاں شہباز شریف نا است انا حب اٹ منت واراُٹ کہ اوفک کنے بطور خصوصی کمکار وزیراعظم و وزیربنجائی کابینہ ٹی اوار کریر۔ دا منصب کنکن اعزاز اسے آن کم اف، انتئے کہ دا نئے بیرہ کنا سرکڑدہ غاتا عنایت و پارٹی ناامانت ءِ بلکن کنا ہنین آ علاقہ ڈیرہ غازی خان نا الس نا ہم کنے آ کڑز ءِ۔ وزیراعظم صاحب کنے ہراکہ وزارت نا زمواری ءِ ایتک ، ای اودے دیانتداری ، خواری و لگن اٹ پورو کننگ نا ہرممکن کوشست کیوہ۔ اوپارے کہ کنا پبی کوشست مریک کہ تینا علاقہ ڈیرہ غازی خان نا محرومی تا چٹفنگ و داڑے پاکستان مسلم لیگ (ن) نا سوگوی کن دے ونن خواری کیوہ۔ اللہ تعالیٰ کنے ملک و قوم انا جوان خذمت ءِ کننگ نا توفیق عطاکے وای تینا سرکڑدہ و جماعت نا وقار اٹی ودکی نا سوب مریو۔
