راولپنڈی۔ 28 فروری (اے پی پی) اے این ایف تعلیمی ادارہ و ملک انا چندی شارتیٹی منشیات اسمگلنگ نا برخلاف برجاکریک ڈاؤن اٹی 7 کارروائی تیٹی 5 دوبہ دارآتے دزگیرکرے۔ اے این ایف ہیڈکوارٹر راولپنڈی آن جاری بیست ءُ چار گھنٹہ نا انسداد منشیات کارروائی تا سرجم حوال آتا رداٹ تازہ کارروائی تیٹی 1 کروڑ 97 لکھ روپئی آن زیات مالیت نا 52.111 کلوگرام منشیات دوئی کننگا۔ راولپنڈی ٹی یونیورسٹی نا خڑک دوبہ دار آن 200 نشئی ءُ گولی دوئی کننگا۔ کراچی ٹی کھارادر نا خڑک موٹرسائیکل سُوار اسے نا کوزہ غان 1.4 کلوگرام آئس دوئی کننگا۔ ترجمان پارے کہ دزگیر دوبہ دار آک تعلیمی ادارہ غاتا طالب علم آتے منشیات بہاکننگ نا اعتراف ہم کرینو۔ ملتان انٹرنیشنل بالی پٹ آ دبئی آ ہنوک آمسافر نا انڈرگارمنٹس اٹی اودیم کروک 179گرام چرس دوئی کننگا۔ پشاور انٹرنیشنل بالی پٹ آ دوحہ غا ہنوک آمسافر اسے نا ٹرالی بیگ آن 980 گرام آئس دوئی کننگا۔ لاہور اٹی کوریئر آفس نا کمک اٹ برطانیہ غا مون تروک آ پارسل آن لیڈیز پرس اٹی اودیم کروک 226 گرام ہیرون دوئی کننگا۔ بلوچستان اٹی حب انا علاقہ وندر آن 24 کلوگرام افیم و 6 کلوگرام ہیرون دوئی کننگا۔ ایم ون موٹروے اسلام آباد نا خڑک دوبہ داراسےنا کوزہ غان 19.2 کلوگرام چرس دوئی کننگا۔ ترجمان پارے کہ دزگیر دوبہ دار آتا برخلاف انسداد منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
