اسلام آباد – 27فروری(اے پی پی): پاکستان ءُ متحدہ عرب امارات ءَ دو نیمگی سیادی ءَ را گیش مھکم کنگ ءِ جزم ءِ دوبر پدر کتگ ءُ تجارت، بنیاتی ڈھانچہ ءِ دیمروئی، دود ءُ ربیدگ ءُ مردم آنی نیام ءَ رابطہ آنی شوبگ آنی تہ ءَ کمک ءِ دیمروئی ءِ سر ءَ تپاک کتگ۔ ایوان ءِ صدر ءِ پریس ونگ ءِ رد ءَ اے تپاکی ءِ سر ءَ صدر آصف علی زرداری ءُ ابوظہبی ءِ ولی عہد شیخ خالد بن محمد بن زاید النہیان ءِ نیام ءَ پنچ شمبے ءِ روچ ءَ ابوظہبی ءِ ایگزیکٹو کونسل ءِ چیئرمین ءِ گند ءُ نند ءَ بوتگ۔ فرسٹ لیڈی آصفہ بھٹو زرداری، نائب مزن وزیر ءُ درئی کارانی وزیر سینیٹر محمد اسحاق ڈار، ءُ سرکاری مزنیں کارندہ ءَ ہم دیوان ءَ بہر زرتگ ات ءُ صدر ءَ ولی عہد ءِ وش آتک کنگ ءَ گوشت کہ پاکستان ءُ امارات ءِ نیام ءَ راج ءُُ دود ءُُ ربیدگ ءِ سیادی ءِ تہ ءَ سئے نسل آنی تہ ءَ ھوار انت۔ آصف علی زرداری ءَ امارات ءِ وشیں دیمروئی ءِ توسیپ کت ءُ پاکستان ءِ بے مٹیں کمک ءِ سر ءَ آئی ءِ منت گپت۔ آئی ءَ اقتصادی ءُ تجارتی سیادی ءَ را گیش دیمروئی دیگ ءِ ضلورت ءِ سر ءَ زور پر دات ءُ اماراتی سرمایہ کار آناں پاکستان ءِ نوکیں شوبگ آنی تہ ءَ سرمایہ کاری ءِ موہ آناں چہ پائدگ چست کنگ ءِ دعوت دات شیخ خالد بن محمد بن زاید النہیان ءَ پاکستان ءِ گوما سیادی ءَ را گیش مھکم کنگ ءِ واستہ اماراتی عزم ءِ سر ءَ پدا زور پر دات۔ آئی ءَ گوشت کہ آئی ءِ تر ءُُ تاب ءِ ساھت ءَ دستخط کتگیں مفاہمت نامہ دوئیں ملک آنی نیام ءَ اعتماد ءُُ دیریں سیادی ءِ درشان اِنت پد ءَ صدر ءِ مملکت ءَ صدر ءِ مملکت ءَ برجم داشتگیں ھاسیں مراگش ءِ تہ ءَ صدر ءِ مملکت آصف علی زرداری ءَ شیخ خالد بن محمد بن زاید نہیان ءَ را داد دات۔ شیخ خالد بن محمد بن زاید النہیان ءَ پاکستان ءُ امارات ءِ نیام ءَ اقتصادی، تجارت ءُ سرمایہ کاری ءِ شعبہ آنی تہ ءَ کمک ءِ دیمروئی ءِ تہ ءَ مزنیں کردے پیلو کتگ، دوئیں ملک آنی نیام ءَ دیریں ءُ براتی سیادی آناں گیش مھکم کنگ ءِ تہ ءَ آئی ءِ سروکی ءَ پاکستان ءِ سروکی ءَ مزنیں کچے ءَ سرمایہ کاری ءَ را دیمروئی داتگ۔ چہ کلیدی شعبہ آں چوشکہ انفراسٹرکچر، توانائی، جان سلامتی، ءُ ٹیکنالوجی ءُ پاکستان ءِ چاگردی ءُ اقتصادی دیمروئی ءِ کمک پجاری کنگ اِنت.
