اسلام آباد- 27فروری (اے پی پی) کابینہ ڈویژن ءَ 28 نوکیں وزیر، مشیر ءُ ھاسیں کمکار آنی بنجاھی کابینہ ءِ تہ ءَ ھوار بوھگ ءِ جتا جتائیں نوٹیفکیشن شنگ کتگ۔ کابینہ ڈویژن ءِ نیمگ ءَ جاڑی بوتگیں نوٹیفکیشن ءِ رد ءَ مزن وزیر ءِ پنت ءُ شون ءِ پد ءَ صدر ءِ مملکت آصف علی زرداری ءَ ڈاکٹر طارق فضل چوہدری، علی پرویز ملک، اورنگزیب خان کھچی ، خالد حسین مگسی، محمد حنیف عباسی، محمد معین وٹو ، محمد جنید انور، شیزا فاطمہ خواجہ، رانا مبشر اقبال ءُ سید مصطفیٰ کمال بنجاھی وزیر ءِ بستار ءَ، ملک رشید احمد خان، عبدالرحمن خان کانجو، عقیل ملک، بلال اظہر کیانی، کھیل داس، محمد عون ثقلین مختار احمد ملک، طلال چوہدری، ءُ وجیہہ قمر ءَ را وزیر ءِ مملکت ءِ بستار ءَ نامینگ بوت، علی پرویز ملک ءُ شیزا فاطمہ خواجہ ءِ وفاقی وزیر بوھگ ءَ پد وزیر مملکت ءِ اگدہ ھالیگ بوتگ انت۔ دگہ نوٹیفکیشن ءِ تہ ءَ مزن وزیر ءِ پنت ءُ شون ءِ پد ءَ صدر ءِ مملکت ءَ سید توقیر حسین شاہ ، محمد علی ءُ پرویز خٹک ءَ را مشیر جوڑ کتگ ۔ دگہ نوٹیفکیشن ءِ رد ءَ مزن وزیر شہباز شریف ءَ وتی ھاسیں اختیاراں کارمرز کنان ءَ ھارون اختر، حذفہ رحمان، مبارک زیب ءُ طلحہ برکی ءَ را مزن وزیر ءِ ھاسیں کمکار جوڑ کتگ انت۔
