اسلام آباد۔27فروری (اے پی پی): مزن وزیر محمد شہباز شریف ءَ پاکستان ءُ متحدہ عرب امارات ءِ نیام ءَ دوستی ءُ برات ءِ سیادی ءَ را گیش مھکم کنگ ءِ واستہ پاکستان ءِ جزم ءِ یک رندے پدا گشتگ۔ ابوظہبی ءِ ایگزیکٹو کونسل ءِ چیئرمین شیخ خالد بن محمد بن زاید النہیان ءَ مزن وزیر ءَ ابوظہبی ءِ ولی عہد ءِ گرمیں سلام ءُ دروت کت ءُ پاکستان ءُ متحدہ عرب امارات ءِ نیام ءَ دوستی ءُ برات ءِ سیادی ءَ را گیش مھکم کنگ ءِ پاکستان ءِ جزم ءِ پدا زور دات۔ دو نیمگی گند ءُ نند ءَ پد ڈل ءِ تک ءَ گپ ءُ تران بوتگ مزن وزیر ءَ اے ماہ ءِ بندات ءَ ابوظہبی ءَ امارات ءِ صدر شیخ محمد بن زاید النہیان ءِ گوما وتی سک باز پیداواری گند ءُ نند ءِ یات ءَ گوشت کہ اے دل یکیمی ءِ گپ اِنت کہ دوئیں ملک وتی جوانیں اقتصادی سیادی ءَ را یکجائی ءَ یک سیاسی شریکداری ءَ را بدل کنگ ءِ واستہ کار کنگ ءَ اَنت۔ مزن وزیر ءَ گوشت کہ گوستگیں روچاں ازبکستان ءِ تر ءُ تاب ءِ ساھت ءَ ازبکستان اوگانستان پاکستان ریل ءِ منصوبگ ءِ سر ءَ گپ ءُ تران بوتگ، ازبکستان ءَ ھم اے منصوبگ ءِ تہ ءَ مزنیں واھشت ءِ درشان کتگ۔ اے منصوبگ ءَ چہ گوادر ءُ ابوظہبی ءِ بندرگاہ آناں سیت رسیت ءُ دمگ ءِ واستہ گیم چینجر ثابت بیت مزن وزیر ءَ ھمک مشکلیں وھد ءَ متحدہ عرب امارات ءِ کمک ءِ سر ءَ شگر ءُ منت گپت۔ آئی ءَ بازیں شوبگ آنی تہ ءَ پاکستان ءِ واستہ امارات ءِ برجائی ءُ مھکمیں کمک ءَ را ساڑات۔ آئی ءَ پاکستان ءَ وتی سرمایہ کاری پورٹ فولیو ءَ را گیش کنگ ءِ واستہ امارات ءِ مزنیں دلگوشی ءَ را ساڑات۔ آئی ءَ گوشت کہ پاکستان ءِ جتا جتائیں ادارگ ءُ ابوظہبی بندرگاہ آنی نیام ءَ انوگیں سوبمندیں سرمایہ کاری ءِ گامگیج اے مھکم ءُ مدام دیمروئی کنوکیں کمک ءِ یک چمکداریں درور انت۔ شیخ خالد بن محمد بن زاید ءِ ھمراھی ءَ مزنیں کارندہ ءُ کاروباری رہشون آنی ڈل ھم ھوار اِنت آئی ءَ مزن وزیر ءِ منت گپت ءُ پاکستان ءِ اقتصادی دیمروئی ءُ وشھالی ءِ واستہ امارات ءِ برجاھیں کمک ءِ پدر کنگ ءَ گوشت۔ دوئیں رہشوناں امارات ءُ پاکستان ءِ نیام ءَ بازیں مفاہمت نامہ ءُ معاہدہ آنی بدلی ءِ ھم گندگ بوتگ۔ دوئیں ملک آنی نیام ءَ بینکنگ، کان کنی، ریلوے، ءُ انفراسٹرکچر ءِ پڑ ءَ کمک ءَ را گیش کنگ ءِ واستہ مفاہمت نامہ ءُ معاہدہ آنی سر ءَ دستخط کتگ۔
