اسلام آباد۔27فروری (اے پی پی): پنچ شمبے ءِ روچ ءَ پاکستان ءُ متحدہ عرب امارات ءِ نیام ءَ بینکنگ، کان کنی، ریلوے ءُ انفراسٹرکچر ءِ شوبگ ءَ سرمایہ کاری ءِ شوبگ ءَ منوگری ءُ تپاک نامہ ءِ کاگد آنی سر ءَ دستخط کنگ بوت۔ مزن وزیر محمد شہباز شریف ءُ متحدہ عرب امارات ءِ ولی عہد شیخ خالد بن محمد بن زید النہیان، آرمی چیف جنرل عاصم منیر، نائب مزن وزیر ءُ دری کارانی وزیر اسحاق ڈار، وزیر دیمپانی خواجہ محمد آصف، بنجاھی وزیر ءِ اھوالکاری ءُ شنگ کاری عطا اللہ تارڑ ، یو اے ای ءِ ڈل ءَ ھوار یں باسک ءُ مزن تکی اپسرگ اے موہ ءَ ساڑی اتنت۔ اے موہ ءَ متحدہ عرب امارات ءِ سید بصار شعیب ءُ سیکرٹری ھزانگ امداداللہ بوسال ءَ بینکنگ ءِ شوبگ ءَ منوگری ءِ مسل یک ءُ دگر ءَ دات انت۔ علی الراشدی، سعیداحمد اورفہیم حیدر ءَ اشکر ءِ چات ءَ کار کنگ ءِ شوبگ ءَ منوگری ءِ مسل آنی وت مہ وت یک ءُ دگر ءَ دات۔شادی ملک ءُ عامرعلی بلوچ ءَ ریلویز ءِ شوبگ ءَ منگ نامہ آنی مسل یک ءُ دگر ءُ دات ۔ کیپٹن جمال شمسی ءُ ندیم احمد چوہدری ءَ بنیاتی کوکا ءِ تہ ءَ سرمایہ کاری ءِ شوبگ ءَ کمک آنی ایم او یو ءِ مسل آناں یک ءُ دگر ءَ مسل دات اَنت۔
