اسلام آباد۔27فروری (اے پی پی): راجی اسمبلی ءِ اسپیکر سردار ایاز صادق ءَ آپریشن سوئفٹ ریٹلیشن ءِ 6سال ءِ سرجمی ءِ درگت ءَ سلاہ بندیں اُرد ءَ را شگر ءُ منت دیان ءَ گوشت کہ پاکستانی اُرد ءَ مھروانیں وطن ءِ رکھینگ ءِ واستہ ابدمانیں قربانی داتگ انت۔ فروری 2019 ءَ سلاہ بندیں اُرد ءَ اے گپ سہرا کتگ کہ آ وتی سیمسرانی دیمپانی کنگ ءِ سرجمیں توان ءَ دار اَنت۔ پنچ شمبے ءِ روچ ءَ وتی بیان ءِ تہ ءَ سردار ایاز صادق ءَ گوشت کہ آپریشن سوئفٹ ریٹارٹ ءِ تہ ءَ پاکستانی بالی اُرد ءَ وتی جنگی صلاحیت آنی درشان کتگ ءُ بھارتی لٹ ءُ پُل ءِ لائکیں پسو داتگ۔ پاکستانی سلاہ بندیں اُرد ءِ بامردیں سپاھیگ ملک ءِ دیمپانی ءِ واستہ مدام ساڑی اَنت پاکستانی راج ءَ را وتی بامرد ءُ توانمندیں پاکستانی سلاہ بندیں اُرد ءِ سر ءَ پھر اِنت۔ اسپیکر سردار ایاز صادق ءَ گوشت کہ ماتیں وطن ءِ رکھینگ ءِ واستہ سلاہ بندیں اُرد آنی قربانی مدام یات کنگ بنت سرجمیں راج ملک ءِ رکھینگ ءِ واستہ وتی پاک ارد ءِ گوما آسن ءِ دیوال ءِ وڑ ءَ اوشتاتگ۔
