اسلام آباد۔27فروری (اے پی پی):بنجاھی تہی کارانی وزیر محسن نقوی ءَ آپریشن سوئفٹ ریٹارٹ ءِ 6سال ءِ سرجمی ءِ درگت ءَ پاک فضائیہ ءِ دلیریں شاہین آناں زوراکیں گال آنی تہ ءَ شگر ءُ منت درشان کتگ۔ آئی ءَ گوشت کہ 27 فروری 2019ءَ پاکستانی شاہین آناں دژمن ءِ سر ءَ شکست داتگ ءُ دژمن ءِ زوراکی ءِ سر ءَ لائکیں پسو داتگ پنچ شمبے ءِ روچ ءَ وتی بیان ءَ آئی ءَ گوشت کہ آ پاکستانی فضائیہ ءِ شاہین آناں خراج تحسین پیش کنت کہ آ مدام تیار اَنت کہ آ فضائی دمگ ءِ رکھینگ ءَ تیار اَنت۔ بنجاھی تہی کارانی وزیر محسن نقوی ءَ گوشت کہ پاک فضائیہ ءَ وتی پیشہ وارانہ توانائی ءِ درشان کنگ ءَ چہ دژمن ءِ فضائیہ ءِ طاقت ءِ تکبر ءَ را ٹکر ٹکر کتگ۔ پاکستان ءِ شاہیناں ہمت، بہادری، ءُ بہادری ءِ یک انمٹیں کسہے جوڑ کتگ کہ سرجمیں راج ءَ ایشی ءِ سرا فخر انت۔ آئی ءَ گوشت کہ 27فروری ءِ روچ پاک فضائیہ ءِ راجدپتر ءِ تہ ءَ یک زرین تاکے ءُ پاک فضائیہ ءِ شاہین آنی بے دروریں ازمت راج ءَ را دائم ءَ یات بیت۔ آپریشن سوئفٹ ریٹارٹ پاک فضائیہ ءِ نیمگ ءَ یک راجدپتری آپریشن بوتگ کہ ایشی ءِ تہ ءَ پاکستان ءَ وتی فضائی دمگ ءَ دژمن ءِ ارش ءِ سر ءَ ترند ءُ جوانیں رنگ ءَ پسو داتگ۔ وزیر ءِ تہی کار ءَ گوشت کہ مارا پی اے ایف ءِ سوبمندی ءِ سر ءَ پھر انت ءُ پاک فضائیہ ءِ بہادریں زھگ آنی بے دروریں جزبگ ءَ را سلام پیش کناں۔
